အန်အယ်လ်ဒီလူငယ်အချို့ မြေနီကုန်းမှာ ဆန္ဒပြလမ်းလျှောက် ဒေါ်အောင်ဆန်းစုကြည်လွှတ်ပေးရေး တောင်းဆို

၃၀ ဒီဇင်ဘာ ၂၀၀၈


ယနေ့  နေ့လယ် (၂) နာရီခွဲခန့်က ရန်ကုန် မြေနီကုန်းတွင် အန်အယ်လ်ဒီ အဖွဲ့ဝင် (၉) ဦး ဒေါ်အောင်ဆန်းစုကြည်လွှတ်ပေးရေး ပိုစတာများကိုင်ဆောင်ပြီး လမ်းလျှောက် ဆန္ဒပြကြကြောင်း မျက်မြင်သက်သေများက ပြောသည်။

“ဘာ့ကြောင့် ဆိုတာတော့ ကျနော်တို့ မသိပါဘူး။ ဒါပေမယ့် လမ်းလျှောက်တဲ့သူတွေထဲမှာ ယောက်ျားတွေက တိုက်ပုံတွေ ကိုယ်စီဝတ်ထားတာတွေ့ပါတယ်။ အမျိုးသမီးက များတယ်။ (၃) နာရီလောက်လဲကျရော သူတို့ကို ရဲတွေက လာဖမ်းသွားတော့တာပဲ” ဟု မြေနီကုန်း မီးပွိုင့်အနီးနေသူတဦးက ပြောသည်။ သို့သော် လမ်းလျှောက်ဆန္ဒပြသူများ အဖမ်းခံရခြင်း ရှိမရှိ ယခုအချိန်ထိ သီးခြားအတည်ပြုချက် မရရှိသေးပေ။

အန်အယ်လ်ဒီ ပြောခွင်ရပုဂ္ဂိုလ် ဦးဥာဏ်ဝင်းကမူ အဆိုပါ လမ်းလျှောက်ဆန္ဒပြသူများထဲတွင် အန်အယ်လ်ဒီအဖွဲ့ဝင် မထက်ထက်ဦးဝေနှင့် ကိုထွန်းထွန်းဝင်းတို့လည်း ပါဝင်သည်ဟုကြားရကြောင်း ခေတ်ပြိုင်ကို ပြောသည်။ လမ်းလျှောက် ဆန္ဒပြခဲ့သည့် အန်အယ်လ်ဒီလူငယ်များမှာ ကိုထွန်းထွန်းဝင်း (စမ်းချောင်းမြို့နယ်) မထက်ထက်ဦးဝေ (ရွှေပြည်သာမြို့နယ်)၊ ရဲနီဦး၊ ပြေပြေ၊ အောင်ဖြိုးဝေ၊ မင်းသိန်း၊ ၀င်မြင့်မောင် (ခ) ပဲပြုတ်၊ ကောင်းထက်နိုင်နှင့် သက်မောင်ထွန်းတို့ဖြစ်သည်ဟု အေအေပီပီက ထုတ်ပြန်ထားသည်။

မျက်မြင်သက်သေအချို့၏ ပြောဆိုချက်အရ အဆိုပါလမ်းလျှောက်ဆန္ဒပြသူများသည် အန်အယ်လ်ဒီရုံးရှေ့မှ စတင်ထွက်ခွာပြီး ဒဂုံစင်တာရှေ့မှ ဖြတ်ကာ စမ်းချောင်း လွှတ်တော်သို့ အသွား အဖမ်းခံရခြင်းဖြစ်သည်။
http://www.khitpyaing.org/news/December_08/30-12-08c.php

ဂျပန်လူမျိုးဦးရွှေဘ Interview of U SHWE BA(Mr.TaNaBe)

အိန္ဒိယနယ်စပ် ပါကစ္စတန် စစ်အင်အားဖြည့်

27 December 2008


အိန္ဒိယနိုင်ငံ မွမ်ဘိုင်းမြို့ကို တိုက်ခိုက်ခဲ့တဲ့ ကိစ္စတွေနောက်ပိုင်းမှာ အိမ်နီးချင်း အိန္ဒိယနိုင်ငံနဲ့ နယ်စပ်ဒေသ နှစ်နိုင်ငံ ဆက်ဆံရေး အခြေအနေတွေကြောင့် ပါကစ္စတန်နိုင်ငံဘက်က တပ်ဖွဲ့ဝင်တွေကို ရုတ်သိမ်းဖို့ ဖျက်သိမ်းလိုက်တယ်လို့ ပါကစ္စတန် က ပြောဆိုလိုက်ပါတယ်။ ဒါ့အပြင် ပါကစ္စတန်နိုင်ငံ အနောက်မြောက်ဘက် ဒေသတွေမှာ တာဝန်ချထားတဲ့ တပ်ဖွဲ့ဝင်တွေကိုလည်း ဒီအိန္ဒိယနယ်စပ်ဘက်ကို ရွှေ့ပြောင်းတိုးချဲ့ ချထားလိုက်တယ်လို့ ဆိုပါတယ်။ ဒီအကြောင်းတွေနဲ့ ပတ်သက်ပြီး အစ္စလာမ်မာဘက်မြို့ကနေ အိုင်ယယ်လ် ဂူး သတင်းပေးပို့ထားတာကို မညိုညိုလွင်က တင်ပြထားပါတယ်။

ပါကစ္စတန်နိုင်ငံရဲ့ အရှေ့ဘက်နယ်စပ်ဒေသ အိန္ဒိယနိုင်ငံနဲ့ နှစ်နိုင်ငံ ဆက်ဆံရေး အခြေအနေတွေ ပြင်းထန်နေတာ လျော့ပါးမှု မရှိသေးဘူးလို့ ပါကစ္စတန်နိုင်ငံ စစ်ဘက်ဆိုင်ရာ အကြီးအကဲ အဆင့်မြင့်အရာရှိတဦးက ပြောဆိုလိုက်ပါတယ်။ အမည်မဖော်လိုတဲ့ အဲဒီအရာရှိက ဗွီအိုအေကို ပြောဆိုရာမှာတော့ - ဒီအခြေအနေတွေကြောင့် နယ်စပ်မှာ စစ်တပ်တွေကို မရုတ်သိမ်းဘဲ လက်ရှိ တာဝန်ထမ်းဆောင် နေတာတွေအပေါ် အမြန်ဆုံး သတင်းပို့ကြဖို့ကိုလည်း အမိန့်ပေးကြတယ်လို့ ဆိုပါတယ်။

ပြီးခဲ့တဲ့လက အိန္ဒိယနိုင်ငံရဲ့ စီးပွားရေး အချက်အချာကျတဲ့ မွမ်ဘိုင်းမြို့ အကြမ်းဖက်တိုက်ခိုက်မှုတွေ ဖြစ်ခဲ့မှုဟာ ပါကစ္စတန်မှာ အခြေစိုက်တဲ့ အစ္စလာမ်မစ် အစွန်းရောက်သမားတွေရဲ့ လက်ချက်ဖြစ်တယ်လို့ အိန္ဒိယနိုင်ငံဘက်က စွပ်စွဲပြောဆိုလိုက်ပြီးတဲ့နောက် အခုလို နျူကလီးယား ပိုင်ဆိုင်တဲ့ အိမ်နီးချင်းနှစ်နိုင်ငံအကြား တင်းမာမှုတွေ ဖြစ်ပေါ်လာခဲ့တာပါ။ အိန္ဒိယနိုင်ငံဘက်က ခေါင်းဆောင်တွေရဲ့ ဖိအားပေး ပြောဆိုမှုတွေ အခိုင်အမာ ထွက်ပေါ်လာ ပြီးတဲ့နောက် ပါကစ္စတန်နိုင်ငံရဲ့ လေတပ်မတော်ကိုလည်း အရံသစ် သတိပေးပြင်ဆင်မှုတွေ ပြုလုပ်ထားတယ်လို့လည်း ဆိုပါတယ်။ ပါကစ္စတန်နိုင်ငံအနေနဲ့ အိန္ဒိယနိုင်ငံနဲ့ စစ်မဖြစ်လိုပါဘူးလို့ ပါကစ္စတန်နိုင်ငံ ပြန်ကြားရေးဝန်ကြီး ရှယ်ရီ ရေမန် က သောကြာနေ့မှာ ထပ်တလဲလဲ ပြောဆိုခဲ့ပါတယ်။

`ဘယ်လိုပဲဖြစ်ဖြစ် ဖြစ်လာပြီဆိုရင်တော့ ပါကစ္စတန်နိုင်ငံရဲ့ လက်နက်ကိုင်အဖွဲ့တွေ အနေနဲ့ နိုင်ငံကို ကာကွယ်ဖို့အတွက် အကောင်းဆုံး ပြင်ဆိုမှုတွေ ရှိနေပါတယ်။´ - လို့ ပြန်ကြားရေးဝန်ကြီးက ပြောဆိုသွားတာပါ။

ပါကစ္စတန်အနေနဲ့ မွမ်ဘိုင်းတိုက်ခိုက်မှုတွေနဲ့ပတ်သက်ပြီး အိန္ဒိယနိုင်ငံနဲ့ ပူးပေါင်းကာ စုံစမ်းစစ်ဆေး ဖော်ထုတ်မှုတွေ ပြုလုပ်ပြီး ဒီတိုက်ခိုက်မှုမှာ တာဝန်ရှိသူတွေ အားလုံးကို အပြစ်ပေး အရေးယူနိုင်တဲ့ လုပ်ဆောင်မှုတွေကို ပြုလုပ်သွားချင်တယ် လို့ ဆိုပါတယ်။ ဒါပေမယ့်လည်း ပါကစ္စတန်ဘက်က အခုလို ထပ်တလဲလဲ ပြောဆိုမှုတွေ ပြုလုပ်ပေမယ့် အိန္ဒိယနိုင်ငံဘက်က ခိုင်မာတဲ့ သက်သေအထောက်အထားတွေကို ပါကစ္စတန်ကို ပေးကမ်းတာမျိုး မရှိခဲ့ဘူးလို့ ပါကစ္စတန်ဘက်က ပြောဆိုလိုက်ပါတယ်။

တချိန်တည်းမှာပဲ ပါကစ္စတန်နိုင်ငံမှာ ပြဿနာရှိနေတဲ့ အနောက်မြောက်နယ်စပ် ဒေသက ရာနဲ့ချီတဲ့ စစ်သားတွေကို ထရပ်ကားတွေနဲ့ ပြောင်းရွှေ့သွားတာတွေ့ရတယ်၊ ဒါဟာ အိန္ဒိယနိုင်ငံနဲ့ နယ်စပ်ဒေသမှာ စစ်အင်အားတွေ ဖြည့်ဆည်းဖို့ ဖြစ်နိုင်တယ်လို့ မျက်မြင်သက်သေတွေနဲ့ အဲဒီဒေသခံတွေက ပြောဆိုခဲ့ပါတယ်။

ပါကစ္စတန်နိုင်ငံ စစ်ဘက်ဆိုင်ရာ အရာရှိတွေကတော့ အခု ရုတ်သိမ်းလိုက်တဲ့ တပ်တွေဟာ အကြမ်းဖက်လက်နက်ကိုင် သောင်းကျန်းသူတွေကို ထိုးစစ်ဆင် တိုက်ခိုက်မှုတွေနဲ့ မပတ်သက်တဲ့ တပ်ဖွဲ့တွေ ဖြစ်ပြီး အိန္ဒိယနဲ့ ပါကစ္စတန် နှစ်နီုင်ငံအကြား ဆက်ဆံရေး အခြေအနေတွေ သိသိသာသာ တင်းမာမှုတွေ ဖြစ်လာတာကြောင့် အခုလို တပ်တွေကို ရွှေ့ပြောင်းချထားလိုက်တာ ဖြစ်တယ်လို့ ဆိုပါတယ်။

ပါကစ္စတန်နိုင်ငံရဲ့ အနောက်မြောက်နယ်စပ်ဟာ အာဖဂန်နစ်စတန်နိုင်ငံ ဖြစ်ပြီး အယ်လ်ခိုင်းဓါး အစွန်းရောက် လက်နက်ကိုင်တွေနဲ့ အချိတ်အဆက် ရှိတဲ့ဒေသလည်း ဖြစ်ပါတယ်။ အခုလို လက်နက်ကိုင် အကြမ်းဖက်သမားတွေ ရှိနေတဲ့ဒေသဖြစ်တဲ့ အာဖဂန်နယ်စပ်က စစ်တပ်တွေကို ရုတ်သိမ်းသွားတာဟာ အကြမ်းဖက်မှု ဆန့်ကျင်တိုက်ခိုက်မှုတွေ လျော့ပါးလာလို့ ဖြစ်တယ်လို့ ဝေဖန်သုံးသပ်သူတွေက ပြောဆိုလိုက်ပါတယ်။

မါမွတ်ချား ဟာ ပါကစ္စတန်နိုင်ငံ နယ်စပ်ဒေသ လုံခြုံရေးဆိုင်ရာ အကြီးအကဲဟောင်းတဦး ဖြစ်ပါတယ်။

`ကျနော် ထင်တာကတော့ ဒါဟာ အားလုံး စွန့်ခွာသွားကြတာတော့ မဟုတ်ပါဘူး။ တိုက်ခိုက်မှုတွေ တဖြည်းဖြည်း လျော့နည်းလာပြီး တပ်အင်အားတချို့နဲ့ ထိန်းသိမ်းထားနိုင်တဲ့ အခြေအနေတွေလည်း ရှိလာပြီ ဖြစ်တဲ့အတွက် စစ်တပ်အနေနဲ့လည်း နေရာဒေသအားလုံးကို ချုပ်ကိုင်မထားချင်တာကြောင့် ဖြစ်လိမ့်မယ်လို့ ကျနော် ယူဆပါတယ်။´

ပါကစ္စတန်ဟာ အကြမ်းဖက်မှု တိုက်ဖျက်ရေးမှာ အရေးပါတဲ့ အခန်းကဏ္ဍကနေ အမေရိကန်နိုင်ငံနဲ့ လက်တွဲ ပူးပေါင်း ဆောင်ရွက်နေတာပါ။

အာဖဂန်နစ်စတန်တပ်တွေကို နယ်စပ်ဖြတ်ကျော်တိုက်ခိုက်နေတဲ့ အယ်လ်ခိုင်းဓါး တွေနဲ့ တာလီဘန် စစ်သွေးကြွတွေကို တိုက်ခိုက်နှိမ်နှင်းဖို့အတွက် အာဖဂန်နယ်စပ်မှာ ပါကစ္စတန် စစ်သည်အင်အား တစ်သိန်းကျော်ကို နယ်စပ်ဒေသ လုံခြုံရေးအတွက် တာဝန်ချထားတာ ဖြစ်ပါတယ်။

အရှေ့အလယ်ပိုင်း ငြိမ်းချမ်းရေး ခရစ္စမတ် မိန့်ခွန်းမှာ ပုပ်ရဟန်းမင်းကြီး တိုက်တွန်း

25 December 2008

ပုပ်ရဟန်းမင်းကြီး ဘန်နဲဒစ် အူဘီ အက်က် အော်ဘီခေါ် ရိုးရာ ခရစ္စမတ် မိန့်ခွန်း ဟောကြားနေစဉ်။
ဒီဇင်ဘာ ၂၅၊ ၂၀၀၈။
ပုပ်ရဟန်းမင်းကြီး ဘန်နဲဒစ် (Pope Benedict) ကခရစ္စမတ်အခါသမယ မိန့်ခွန်းမှာ အရှေ့အလယ်
ပိုင်းနဲ့ အာဖရိကတိုက် ငြိမ်းချမ်းရေးအတွက်ဆောင်ရွက်ကြဖို့ အထူးမေတ္တာရပ်ခံ ပန်ကြား
လိုက်ပါတယ်။ ဗွီအိုအေ သတင်းထောက် စဘီးနားကတ်စ်တယ်လ်ဖရန်ကို (Sabina Casterlfranco)
ရောမမြို့က သတင်းပေးပို့ထားတာကိုကိုသိန်းထိုက်ဦးက တင်ပြပေးထားပါတယ်။

စိန့်ပီတာရင်ပြင်မှာ တေးဂီတဖျော်ဖြေရေးအဖွဲ့တွေ ဗာတီကန်နဲ့ အီတလီအမျိုးသားသီချင်းတွေ
တီးမှုတ်ဖျော်ဖြေနေတဲ့အချိန် လူအုပ်ကြီးကလက်ခုပ်တီး အော်ဟစ်အားပေးခဲ့ကြပါတယ်။
ပုပ်ရဟန်းမင်းကြီး ဘန်နဲဒစ်ဟာ စိန့်ပီတာရင်ပြင် ဘက်ဆီလီကာကျောင်းတော်ရဲ့
လသာဆောင်က ထွက်လာပြီး အူဘီ အက်က် အော်ဘီ (Urbi et Orbi) ခေါ် ရိုးရာ
ခရစ္စမတ်မိန့်ခွန်းကို ဟောကြားပါတယ်။ ဒီမိန့်ခွန်းက ရောမမြို့တော်နဲ့ ကမ္ဘာကို
ဟောကြားတဲ့ မိန့်ခွန်းဖြစ်ပါတယ်။ ဘာသာရေးအပေါ် သက်ဝင်ယုံကြည်ဖို့ မှာကြားခဲ့
သလို အရှေ့အလယ်ပိုင်းနဲ့ အာဖရိက ငြိမ်းချမ်းရေးအတွက် ပြင်းပြင်းထန်ထန်မေတ္တာရပ်ခံသွားပါတယ်။

မျှော်လင့်ချက်တွေ တဖန် မှုံမိုင်းနေတဲ့ မိုးကုပ်စက်ဝိုင်းအောက်က ဘာသာရေးဆိုင်ရာ
အထွတ်အမြတ်ထားရာ မြေတလျှောက် အစ္စရေးနဲ့ ပါလက်စတိုင်းဒေသမှာ ယေရှု
ခရစ်တော် ဖွားတော်မူရာ ဘက်သလေဟန် တောက်ပတဲ့ အလင်းရောင်တန်းတွေ
ထွန်းလင်းတောက်ပပါစေဆိုပြီး ငြိမ်းချမ်းရေးအတွက် ပုပ်ရဟန်းမင်းကြီးက မြွက်ကြား
သွားတာပါ။

လက်ဘနွန်နဲ့ အီရတ်အကြား ပဋိပက္ခနဲ့ တိုက်ခိုက်မှုတွေ အဆုံးသတ်ဖို့ကိုလည်း အထူး
အလေးပေးပြီး ပုပ်ရဟန်းမင်းကြီးက ပြောသွားပါတယ်။ ဇင်ဘာဘွေ၊ ကွန်ဂို ဒါဖိုးနဲ့
ဆိုမားလီးယားနိုင်ငံတွေရဲ့ ငြိမ်းချမ်းရေးအတွက်လည်း တောင်းဆိုတိုက်တွန်းသွားပါ
တယ်။

ဇင်ဘာဘွေပြည်သူတွေဟာ ရှည်ကြာလှတဲ့ နိုင်ငံရေးနဲ့ လူမှုရေး အကျပ်အတည်းကြား
မှာ ရုန်းမထွက်နိုင်ဘဲဖြစ်နေပြီး အခြေအနေဟာ စိတ်မကောင်းစရာ ပိုပြီးဆိုးလာနေ
တယ်လို့ ပုပ်ရဟန်းမင်းကြီးက မိန့်ဆိုပါတယ်။

စစ်၊ အကြမ်းဖက်မှု၊ မတရား မမျှတမှုနဲ့ ဆင်းရဲမွဲတွေမှုတွေကြား အတိဒုက္ခရောက်ရတဲ့
နာကျင်မှုတွေကြားမှာ ခရစ္စမတ်ကာလက မျှော်လင့်ချက်တွေ သယ်ဆောင်လာနိုင်မယ်
လို့ မျှော်လင့်တဲ့အကြောင်း ပုပ်ရဟန်းမင်းကြီးက မိန့်ဆိုပါတယ်။

ဗုဒ္ဓဟူးနေ့ကတော့ ထောင်နဲ့ချီတဲ့ လူအုပ်ကြီးဟာ ရောမမြို့တော် စိန့်ပီတာရင်ပြင်
ဘက်ဆီလီကာ ကျောင်းတော်ရှေ့မှာ ညဥ့်လယ်ပိုင်း စုဝေးခဲ့ကြပါတယ်။ သူ့ရဲ့မိန့်ကြား
ချက်ထဲမှာ မတရားသဖြင့် အနိုင်ကျင့်ခံရတဲ့ ကလေးငယ်တွေ၊ လမ်းပေါ်မှာနေရတဲ့
ကလေးငယ်တွေ၊ စစ်သားအဖြစ် လက်နက်ကိုင် အမှုထမ်းရတဲ့ ကလေးငယ်တွေကို
ကယ်တင်ဖို့လည်း ပုပ်ရဟန်းမင်းကြီးက ပန်ကြားသွားပါတယ်။

ကမ္ဘာတ၀န်း မတရားပြုကျင့်ခံရတဲ့ ကလေးငယ်တွေနဲ့ မိဘတွေရဲ့ မေတ္တာတရား
ငြင်းပယ်ခံရတဲ့ ကလေးငယ်တွေကို ကူညီစောင့်ရှောက်ဖို့ ပန်ကြားပြီး မှီခိုစရာ အိုးအိမ်မဲ့
ကလေးငယ်တွေရဲ့ အကျပ်အတည်းနဲ့ လိင်ပိုင်းဆိုင်ရာ မဖွယ်မရာ အနိုင်ကျင့်ခံရတဲ့
ကလေးငယ်တွေကို အဓိက မိန့်ကြားသွားခဲ့ပါတယ်။
http://www.voanews.com/burmese/2008-12-25-voa7.cfm

နှုတ်ဆက်ခဲ့ပြီ ၂၀၀၈

Farewell

Publish at Scribd or explore others:

ဗိုလ်ချုပ်မှူးကြီး၏ မြေးကို ထိုင်ကန်တော့ပြီး တောင်းပန်ခဲ့ရ

နိုင်ငံတော်အခမ်းအနားတခုတွင် တွေ့ရသည့် နေရွှေသွေးအောင် (ခ) ဖိုးလပြည့် (အဖြူရောင်ဝတ်စုံဝတ်ဆင်ထားသူ)
Thursday, 25 December 2008 14:48 ရိုးမ ၃

နအဖစစ်ခေါင်းဆောင်၏ မြေးဖြစ်သူက ကျောင်းနေဖက်သူငယ်ချင်းနှင့် အချင်းများရာ မကျေနပ်သဖြင့် နေအိမ်ကို ခဲများဖြင့် ပစ်ပေါက်ခဲ့ပြီး ၎င်း၏မိဘများကို ကျေနပ်သည်အထိ ကန်တော့တောင်းပန်ခိုင်းမှုများ ပြုလုပ်ခဲ့သည်။

ဗိုလ်ချုပ်မှူးကြီးသန်းရွှေ၏ မြေးဖြစ်သူ ဖိုးလပြည့် (ခ) နေရွှေသွေးအောင်သည် စင်္ကာပူတွင် ကျောင်းနေဖက်သူငယ်ချင်းဖြစ်သူနှင့် အင်တာနက်ကိစ္စ စကားများခဲ့သည်ကို မကျေနပ်သဖြင့် ယခုလ (၁၉) ရက်နေ့ညတွင် ကမာရွတ်မြို့နယ် (၂) ရပ်ကွက်တွင် နေထိုင်သည့် သူငယ်ချင်းဖြစ်သူ၏ မိဘများကို ခေါ်ဆောင်သွားကာ ယခုကဲ့သို့ တောင်းပန်ခိုင်းခဲ့ခြင်း ဖြစ်သည်။

“ဖြစ်တာက စင်္ကာပူမှာ ကျောင်းတက်နေရင်း ဗိုလ်ချုပ်ကြီးသန်းရွှေနဲ့ ဖိုးလပြည့်တို့ သတင်းကို အင်တာနက်ပေါ်ကို တင်တယ်ဆိုပြီး စွပ်စွဲတာက စဖြစ်တာ၊ အဲဒါကို ဖိုးလပြည့်နဲ့ သူငယ်ချင်းတွေက (၁၉) ရက်နေ့ညမှာ အဲဒီကောင်လေးအိမ်ကို သွားပြီး ခဲနဲ့ပေါက်တာ၊ အဲဒါကို ကောင်လေးရဲ့မိဘတွေက ည (၁) နာရီလောက်မှာ ကမာရွတ်စခန်းကို သွားအမှုဖွင့်တယ်”ဟု အမည်မဖော်လိုသူတဦးက ပြောသည်။

ထိုည (၁) နာရီ မိနစ် (၂၀) ခန့်တွင် ဗိုလ်ချုပ်မှူးကြီး၏ မြေးဖြစ်သူက ကမာရွတ်ရဲစခန်းသို့ ရောက်ရှိလာပြီး တံခါးဖွင့်ရန် ပြောဆိုသည့်အတွက် တာဝန်ကျ စခန်းစောင့် အရန်ရဲမေများက တံခါးဖွင့်ပေးလိုက်ရသည်။

“ဖိုးလပြည့် စခန်းကိုရောက်တော့ တံခါးမဖွင့်ရင် ကားနဲ့ဝင်တိုက်မယ်လို့ပြောတော့ ဖွင့်ပေးလိုက်ရတာ၊ အခြေအနေမကောင်းတော့ တိုင်ချက်ဖွင့်တဲ့သူတွေကို အမျိုးသမီးအချုပ်ခန်းထဲမှာ ခဏဝှက်ထားသေးတယ်၊ ဒါပေမယ့် အဲဒီလူတွေကို မထုတ်ပေးရင် ပြဿနာအရှည် ရှည်ဖြစ်သွားမယ်ဆိုပြီး စခန်းက အရာရှိတွေကို ခြိမ်းခြောက်တော့ ဖိုးလပြည့်လက်ထဲကို လွှဲအပ်လိုက်ရတယ်”ဟု ဆက်ပြောသည်။

ဖိုးလပြည့်နှင့်အတူ လုံခြုံရေးအတွက် အနောက်ပိုင်းခရိုင်မှူး၊ ကမာရွက်မြို့နယ်မှူးနှင့် အခြားလုံခြုံရေးကား (၇) စီး လိုက်ပါခဲ့ပြီး ဗဟန်းမြို့နယ်ရှိ အိမ်တအိမ်သို့ တိုင်ချက်ဖွင့်သူများကို ခေါ်ဆောင်သွားကာ တာဝန်ရှိသူများကို အိမ်အပြင်တွင် စောင့်ခိုင်းထားခဲ့ကြောင်း အဆိုပါ အိမ်နီးချင်းက ဆက်ပြောသည်။

“သူတို့ ပြန်ထွက်လာလို့ မေးလိုက်တော့ သန်းရွှေရဲ့မြေး ဖိုးလပြည့်က သူတို့လုပ်ရပ်တွေ မှားပါတယ်လို့ ဝန်ခံပြီး ထိုင်ကန်တော့ပြီး တောင်းပန်ခိုင်းတယ်၊ (၂၁) ရက်နေ့ ညမှာလည်း လူငါးယောက်လောက်က အဲဒီအိမ်ကို ခဲနဲ့ ထပ်ပေါက်သေးတယ်၊ အဲဒါ ကမာရွတ်စခန်းကို သက်သေခံပစ္စည်းနဲ့တကွ တိုင်တာ၊ နယ်မြေခံ ကမာရွတ်စခန်းက အခုချိန်ထိ အမှုမဖွင့်ပေးဘူး”ဟု ဆက်လက်ပြောဆိုသည်။

ဗိုလ်ချုပ်မှူးကြီး သန်းရွှေသည် မကြာသေးမီကလည်း စစ်တက္ကသိုလ် ဗိုလ်လောင်းကျောင်းဆင်းပွဲတခုသို့ ဇနီးသားသမီးများအား ခေါ်ဆောင်သွားခဲ့ပြီး စစ်ဗိုလ်ချုပ်များနေရာနှင့် ထူးခြားစွာ နေရာချထားရာ မြေးဖြစ်သူ ဖိုးလပြည့်ပါ ပါဝင်ခဲ့ခြင်းကို သတင်းစာများတွင် ဝေဝေဆာဆာ ဖော်ပြခဲ့သည်။
http://www.yoma3.org/index.php?option=com_content&view=article&id=150:2008-12-25-07-55-18&catid=41:2008-09-21-07-44-45&Itemid=124

နအဖ ပြည်ထဲရေးဝန်ကြီးရဲ့ ထိုးဖောက်မှုအစီအစဉ်

ပြည်ထဲရေးအရာရှိတဦး (ခေတ်ပြိုင်/၂၄-၁၂-၀၈)

နအဖ ပြည်ထဲရေးဝန်ကြီး ဗိုလ်ချုပ်မောင်ဦး၏ စီမံကွပ်ကဲမှုအရ ရဲမှူးသန်းထွန်း ဦးစီးသည့် အောက်ဖော်ပြပါ အဖွဲ့ဝင် (၂၀) ဦးဟာ ရန်ကုန်မှ မြ၀တီ၊ မြ၀တီမှ မဲဆောက်သို့ ဒီဇင်ဘာ (၁၉) ရက်နေ့တွင် ရောက်ရှိခဲ့သည်။ အဆိုပါအဖွဲ့၏ ဦးတည်ချက်များမှာ ပြည်တွင်းမှလာရောက်မည့် နယ်စပ်ဒေသရှိ အတိုက်အခံအဖွဲ့အစည်းများ တချို့က ဖွင့်လှစ်မည့် သင်တန်းပေါင်းစုံ တက်ရောက်မည့်သူများအား ထောက်လှမ်းရန်၊ ရရှိသည့် အချက်အ လက်များကို ပြည်တွင်းသို့ အချိန်မီသတင်းပို့ရန်၊ သင်တန်းဖွင့်လှစ်မည့် အဖွဲ့အစည်းများ ရုံး၊ နေရာ၊ သင်တန်း ကျင်းပသည့် နေရာအထိ ထိုးဖောက်သွားရေး စီမံဆောင်ရွက်ရန် ဖြစ်ပါသည်။

နောက်ဦးတည်ချက်မှာ နယ်စပ်ဒေသတွင် UG (Underground) လုပ်သူများ လျှို့ဝှက်စွာ ပြည်တွင်းသို့ ၀င် ရောက်မည့် အစီအစဉ်လမ်းကြောင်းနှင့် ရည်ရွယ်ချက်များကို ဖော်ထုတ် ထောက်လှမ်းသွားရန်၊ အတိုက်အခံ အဖွဲ့အစည်း ရုံးများတွင် ပြည်တွင်းက တရားမ၀င် လာရောက်လုပ်ကိုင်နေသူများ၏ လှုပ်ရှားမှုသတင်းများကိုပါ ဖော်ထုတ်သွားရန် စသည့် ဦးတည်ချက်များ ပါဝင်ကြောင်း သိရသည်။ ထိုးဖောက်ရေးအဖွဲ့၌ ပါဝင်သူများမှာ အောက်ပါအတိုင်း ဖြစ်သည်။

၁။ သန်းထွန်း
၂။ ဇော်မင်းထွန်း
၃။ တင်ထွန်းအောင်
၎။ ထွန်းထွန်းဝင်း
၅။ စောကျော်ထွေး
၆။ ညီမင်းသူ
၇။ မောင်ထွေး
၈။ အောင်ထွေး
၉။ နေလင်း
၁၀။ သူရအောင်
၁၁။ ကျော်နိုင်
၁၂။ စိုးစိုးထွေး
၁၃။ မိုးပပအောင်
၁၄။ မိအေးမာ
၁၅။ ဆွေဆွေဝင်း
၁၆။ သီသီအောင်
၁၇။ မသန်းအေး
၁၈။ နိုင်နိုင်ဇော်
၁၉။ သက်မာ
၂၀။ ဆင့်ဆင့်အေးတို့ ဖြစ်ကြသည်။

အဖွဲ့ခေါင်းဆောင် ရဲမှူးသန်းထွန်းဟာ တောင်ပိုင်းတိုင်းစစ်ဌာနချုပ် လက်အောက်ခံတွင် တာဝန်ထမ်းဆောင် ခဲ့သော တပ်မတော်အရာရှိတဦးဖြစ်ပြီး မှော်ဘီရဲတပ်ရင်းသုိ့ ပြောင်းရွှေ့ခဲ့သူဖြစ်သည်။ ရဲမှူးသန်းထွန်းဟာ ထူးချွန်သူတဦးဖြစ်ပြီး ဗိုလ်ချုပ်မြ၏ သားအငယ်ဆုံးကို စည်းရုံးနိုင်စွမ်းရှိခဲ့သူဖြစ်ကာ DKBA အဖွဲ့၏ ပံ့ပိုးမှုဖြင့် မြ၀တီမှ မဲဆောက်ကို ထိုးဖောက်နိုင်အောင် စီစဉ်နေသူဖြစ်သည်။ ရဲမှူးသန်းထွန်းနှင့်အဖွဲ့ကို လှုပ်ရှားနိုင်ရန် အောက်ပါအတိုင်း နေရာချ စီမံဆောင်ရွက်ခဲ့ပါသည်။

၁။ မယ်တော်ဆေးခန်းတွင် တာဝန်ချထားသူ (၅) ဦး
၂။ စက်ရုံ အလုပ်ရုံများတွင် တာဝန်ချထားသူ (၃) ဦး
၃။ မဲဆောက်မြို့ ပေါ်တွင် တာဝန်ချထားသူ (၇) ဦး
၎။ မြ၀တီမြို့ တွင် အရေးပေါ် စစ်ဆင်ရေးအတွက် အရန်အင်အား (၅) ဦး

မယ်တော်ဆေးခန်း၊ စက်ရုံ အလုပ်ရုံနှင့် မဲဆောက်မြို့ ပေါ်တွင် တာဝန်ချထားသူ စုစုပေါင်း (၁၅) ဦးတို့ကို ထိုင်း လက်ကိုင်ဖုန်းများ ကိုယ်စီ ပေးထားပြီး မြ၀တီကို စဉ်ဆက်မပြတ် သတင်းပို့ဆက်သွယ်ရေးအတွက် အထူးမှာ ကြားထားခဲ့သည်ဟု သိရသည်။ သူတို့ကို မြ၀တီသို့ နေ့ချင်းပြန် မသွားခိုင်းဘဲ မဲဆောက်မြို့တ၀ိုက်တွင် အခြေ ပြုကာ လှည့်လည်လှုပ်ရှားခိုင်းပါသည်။ သူတို့ရဲ့  လုံခြုံရေးအတွက် နာမည်ဝှက်များကို အောက်ပါအတိုင်း အ သီးသီးပေးထားသည်။
အဖွဲ့ခေါင်းဆောင် သန်းထွန်းအား (ဗိုက်ကြီး)၊ ထွန်းထွန်းဝင်းအား (ခေါင်းပြောင်)၊ ဇော်မင်းထွန်းအား (ဒီကေး)၊ တင်ထွန်းအောင်အား (ကုလားလေး) ၊ စောကျော်ထွေးအား (ကိုသွက်)၊ ညီမင်းသူ အား (မောင်ချွန်)၊ မောင် ထွေးအား (မယက)၊ အောင်ထွေးအား (ကိုရှုတ်)၊ နေလင်းအား (ဂျော်နီ)၊ သူရအောင်အား (သိန်းသိန်း)၊ ကျော် နိုင်အား (ကောက်ကောက်)၊ စိုးစိုးထွေးအား (ပေါက်စီ)၊ မိုးပပအောင် အား (ငကန်း)၊ မိအေးမာအား (မမွန်)၊ ဆွေဆွေဝင်းအား (ဒေါ်ကြီး)၊ သီသီအောင်အား (ဒေါက်တို)၊ မသန်းအေးအား (ဒွေးလေး)၊ နိုင်နိုင်ဇော်အား (မိ ဇော်)၊ သက်မာအား (ငကြောက်)၊ ဆင့်ဆင့်အေးအား (ဒေါ်အေး) ဟု အသီးသီး ဖုန်းထဲမှာ ခေါ်ပြောကြရန် မှာ ကြားထားသည်။

သူတို့ (၂၀) ဦးထဲမှာ ကရင်လူမျိုးများနဲ့ မွန်လူမျိုးများကို ထည့်ထားခြင်းကြောင့် နယ်စပ်ဒေသတွင်ရှိသော တိုင်းရင်းသားလူမျိုးစုထဲအထိ ထိုးဖောက်ဝင်ရောက်မည် ဖြစ်ပြီး လိုအပ်ပါက ဘာသာစကားကန့်သတ်ချက်ကို ကျော်လွှား ထောက်လှမ်းနိုင်မည် ဖြစ်သည်။ စိုးရိမ်စရာကောင်းသည့်အချက်တခုက မိန်းကလေးအင်အားစု တ၀က်နီးပါး ပါဝင်နေ၍ အတိုက်အခံအဖွဲ့အစည်းများအနေဖြင့် လျှော့တွက်ပြီး မိမိ၏ အတွင်းစည်းထဲကို အ လွယ်တကူ ၀င်ခွင့်ပေးသွားမည့် အလားအလာ ဖြစ်နေသည်။

ပြည်ထဲရေးဝန်ကြီး ဗိုလ်ချုပ်မောင်ဦး မှာထားချက်က အခုလွှတ်ထားသည့် ထောက်လှမ်းရေးအဖွဲ့အား အ တိုက်အခံအဖွဲ့အစည်းများက ရိပ်မိသိရှိသွားခဲ့ပါက ချက်ချင်းပြန်လာခဲ့ရန် မှာကြားထားသည်ဟု သိရသည်။

ယခုအခါမှာ တပ်မတော်ထောက်လှမ်းရေး ညွှန်ကြားရေးမှူးရုံး မရှိတော့သည့်အတွက် ပြည်ထဲရေးဝန်ကြီးဌာန အနေဖြင့် SB (Special Branch) အထူးရဲတပ်ဖွဲ့ကို အမာခံထားကာ CID မှုခင်းတပ်ဖွဲ့နှင့် BSI အထူးစုံစမ်းစစ် ဆေးရေးဦးစီးဌာနတို့မှ တပ်ဖွဲ့ဝင်များကို ထုတ်နုတ်ပြီး အပတ်တကုတ် ကြိုးပမ်းဆောင်ရွက်နေရသည်။

ထောက်လှမ်းရေးများက ၎င်းတို့၏ အမာခံသတင်းပေးများနှင့် အချက်အလက်များကို ဖျက်ဆီးခဲ့ခြင်းကြောင့် စမ်းတ၀ါးဝါးဖြင့် မြေစမ်းခရမ်းပျိုးလုပ်နေရသည့် အနေအထားရှိပါသည်။ လက်ရှိလွှတ်လိုက်သည့် ထောက် လှမ်းရေးအဖွဲ့၏ အားထားရာ အမာခံသတင်းပေးမှာ DKBA ဖြစ်ပြီး DKBA တို့၏ မဲဆောက်မြို့အခြေစိုက် နေ ရာများကို အမှီပြုပြီး လှုပ်ရှားကြမည့်အနေအထားမျိုး ရှိပါသည်။

ပြည်ထဲရေးဝန်ကြီးဌာနအနေဖြင့် ထောက်လှမ်းရေးတပ်ဖွဲ့ကဲ့သို့ လျှို့ဝှက်စွာ လုပ်ဆောင်နိုင်ခြင်းမရှိဘဲ ရန်ကုန် တိုင်းအေးချမ်းသာယာရေးနှင့် ဖွံ့ဖြိုးရေးကောင်စီရုံး၏ ပါဝါကို အသုံးပြုပြီး မြ၀တီမြို့အေးချမ်းသာယာရေးနှင့် ဖွံ့ဖြိုးရေးကောင်စီသို့ ကူညီပေးရေး ညွှန်ကြားတိုက်တွန်းထားသည်ကို တွေ့ရသည်။

မည်သို့ဆိုစေ အတိုက်အခံအဖွဲ့အစည်းများအနေဖြင့် မဲဆောက်တခွင်တွင် ဖထီးပဒိုမန်းရှာ လုပ်ကြံခံရမှုနှင့် မယ်ပတွင် (UG) ကိုရဲအား ပြန်ပေးဆွဲခံရမှုများကို သင်ခန်းစာယူပြီး လုံခြုံရေးအထူးသတိဖြင့် အတွင်းစည်းကို တင်းကျပ်ကာ အဆိုပါအဖွဲ့ဝင်များကို ဖော်ထုတ်ချေမှုန်းကြရန် စေတနာကောင်းဖြင့် တိုက်တွန်းရေးသားလိုက် ရပါသည်။

God bless the child without mother in new year

ဘာသာပေါင်းစုံဆုတောင်းပွဲ ဂျပန်နိုင်ငံ တိုကျိုဒိုင်ဘုစု ဘုရား တွင် ကျင်းပပွဲ

International Migrant Day

၂၀၀၈ငြိမ်းချမ်းရေးနှိုဗယ်ဆုပေးပွဲ နှင့်မြန်မာလူငယ်

Voice of Burma No. 689 DECEMBER 21, 2008

VOB689

Publish at Scribd or explore others:

ဘုန်းကြီးကျောင်းပေါ်ပေါက်နိုင်ရေးအတွက် ရံပုံငွေ လိုဒ်ရှိုးပွဲ

.ကြွေနေတဲ့ကြယ်..ငိုနေတဲ့လ ရေးဆို ..အလိမ္မာ (japan)

2 .ကြွေနေတဲ့ကြယ်..ငိုနေတဲ့လ talk.mp3 -

2 .ကြွေနေတဲ့ကြယ်..ငိုနေတဲ့လ ရေးဆို ..အလိမ္မာ (japan).mp3 -

ဘာသာပေါင်းစုံဆုတောင်းပွဲ ဂျပန်နိုင်ငံ တိုကျိုဒိုင်ဘုစု ဘုရား တွင် ဒီကနေ့ ကျင်းပ

2008-12-21

ဒေါ်အောင်ဆန်းစုကြည်။ ဦးခွန်ထွန်းဦး။ ကိုမင်းကိုနိုင်အပါအ၀င် နိုင်ငံရေးအကျဉ်းသားအားလုံးလွတ်မြောက်ရေးအတွက် ဘာသာပေါင်းစုံဆုတောင်းပွဲကို ဂျပန်နိုင်ငံ တိုကျိုဒိုင်ဘုစု ဘုရား တွင် ဒီကနေ့ ကျင်းပပြုလုပ်ခဲ့ပါသည်။ အဝေးရောက် ဗမာပြည်သူပြည်သားများ တိုင်းရင်းသားညီအကိုမောင်နှမများ အဖွဲ့စည်းအသီးသီးမှညီအကိုမောင်နှမများနှင့်အတူ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)ဂျပန်ဌာနခွဲမှ အဖွဲ့ချုပ်အဖွဲ့ဝင်များပူးပေါင်းပါဝင်ဆုတောင်း ခဲ့ရာ လူပေါင်း ၈၀ ကျော်တက်ခဲ့ပါသည်။
photo by Soe Moe Naing

မြန်မာအမျိုးသမီးတွေကို လူကုန်ကူးသူ ဂျပန်အမျိုးသား ၂ ဦး အဖမ်းခံရ

ဒီဇင်ဘာ ၂၀၊ ၂၀၀၈

မြန်မာအမျိုးသမီး ၅ ဦးကို ဂျပန်နိုင်ငံသို့ ပို့ဆောင်ပေးခဲ့ပြီး၊ စားသောက်ဆိုင်များတွင် အလုပ်လုပ်ကိုင်စေခဲ့သည့်အတွက် လူကုန်ကူးမှုဖြင့် ဂျပန်အမျိုးသား ၂ ဦးကို ဖမ်းဆီးလိုက်ကြောင်း တိုကျိုမြို့တော်ရဲများက ဒီဇင်ဘာလ ၁ဝ ရက်နေ့တွင် ကြေညာလိုက်သည် ။

Wellness Network 21 အမည်ရှိ ကုမ္ပဏီ၏ ဥက္ကဌဖြစ်သူ မစ္စတာ ဟီဒဲ့အို ခိုဘုနဲ့ (အသက် ၆၉ နှစ်) နှင့် စာရွက်စာတမ်း မှတ်ပုံတင်ရုံးမှ မစ္စတာ အီဇုမိ အိုမိုးရိ (အသက် ၅၈နှစ်)တို့အား လူဝင်မှုကြီးကြပ်ရေးဥပဒေအရ ဂျပန်နိုင်ငံတွင် ဖမ်းဆီးလိုက်ခြင်း ဖြစ်သည် ။ အသက် ၂၇ နှစ်အရွယ် ကြံရာပါ မြန်မာအမျိုးသမီး ပွဲစားတဦးကိုပါ ဖမ်းမိထားပြီဖြစ်သည်။

မစ္စတာ ခိုဘုနဲ့သည် မြန်မာနိုင်ငံရှိ ဂျပန်စာသင်တန်းကျောင်းတကျောင်းမှ အောင်လက်မှတ် အတုများ၊ ၄င်း၏ ကွန်ပျူတာဆော့ဖ်ဝဲနှင့် ရောင်းဝယ်ရေးကုမ္ပဏီမှ အလုပ်လုပ်ပိုင်ခွင့် လက်မှတ်အတုများကို အသုံးချကာ၊ မြန်မာအမျိုးသမီး ၅ ဦး ဂျပန်နိုင်ငံတွင် တရားဝင် နေထိုင်ခွင့်ရရေး ကြံစည်ခဲ့သဖြင့် ယခုကဲ့သို့ ဖမ်းဆီးရခြင်းဖြစ်ကြောင်း ဂျပန်ရဲများက ထုတ်ဖေါ်ပြောဆိုသည် ။

မြန်မာအမျိုးသမီးများသည် တဦးလျှင် ဂျပန်ငွေ ယန်း ၁ သန်းခွဲစီ မစ္စတာခိုဘုနဲ့အား ပွဲခအဖြစ် ပေးရသည်ဟု ဂျပန်ရဲများ၏ စစ်ချက်က ဆိုသည် ။ မစ္စတာခိုဘုနဲ့နှင့် မစ္စတာအိုမိုးရိတို့ နှစ် ဦးသည် ၂ဝဝ၆ခုနှစ် ဖေဖေါ်ဝါရီလပိုင်းမှစ၍ လူကုန်ကူးသည့်လုပ်ငန်းကို လုပ်ကိုင်ခဲ့ကြောင်း စစ်ဆေးတွေ့ရှိရပြီး၊ ၄င်းလုပ်ငန်းမှ ဂျပန် ယန်းငွေ သန်း ၁၆ဝ ခန့် ရရှိခဲ့သည်ဟု ဂျပန်ရဲများက ယုံကြည်နေကြသည်။

မစ္စတာခိုဘုနဲ့သည် ၄င်းကုမ္ပဏီ၏ စာရွက်စာတမ်းများကိုအသုံးပြု၍၊ တရုတ်နိုင်ငံ ဂွမ်ဒေါင်းပြည်နယ် ဂွမ်ဇိုးမြို့ရှိ ဂျပန်ကောင်စစ်ဝန်ရုံးကို အားကိုးအားထားပြုကာ တရုတ်နိုင်ငံသား ၁၃၅ ဦးအတွက် ဂျပန်ဗီဇာ တက်သုတ်ရိုက် လျှောက်ခဲ့ကြောင်း စစ်ဆေးတွေ့ရှိရသည်။ ဤနည်းဖြင့် ဂျပန်နိုင်ငံတွင်းသို့ တရားမဝင် လူကုန်ကူးခဲ့ခြင်း ဖြစ်ကြောင်း ဂျပန်ရဲများကဆိုသည် ။

“ကျနော်ကတော့ စားသောက်ဆိုင်တွေမှာ အလုပ် လိုက်သွင်းပေးရုံ သက်သက်ပါ၊ အိုမိုးရိကသာ ဂျပန်နိုင်ငံထဲကို တကယ် လက်တွေ့ ခေါ်လာသူ ဖြစ်တယ်” ဟု မစ္စတာခိုဘုနဲ့က ဂျပန်စုံစမ်းရေးရဲများရှေ့ ထွက်ဆိုခဲ့သည်။

မစ္စတာအိုမိုးရိကမူ ၄င်းအပေါ်ချမှတ်သည့်ပြစ်ဒဏ်ကို ငြင်းဆန်လိုက်ပြီး

“ဒါကတော့ လူအလုံးအရင်းနဲ့ လူမှောင်ခိုကုန်ကူးတာမှ မဟုတ်တာ …”

ဟု ငြင်းဆိုသည် ။

၂ဝဝ၃ခုနှစ်တွင် စတင်တည်ထောင်ခဲ့သည့် Wellness Network 21 ကုမ္မဏီသည် တိုကျိုအခြေစိုက် ရာဇဝတ်ဂိုဏ်းတခုနှင့် ချိတ်ဆက်၍ စီးပွားရေးလုပ်ကိုင်နေကြောင်း ဂျပန်ရဲများက ထုတ်ဖေါ်နိုင်ခဲ့သည်။

( သတင်းမူရင်း - ဂျပန်နိုင်ငံထုတ် “မိုင်းအိနိချိ” နေ့စဉ်သတင်းစာ)

ဒေါ်စုကို အမျိုးသမီး ခေါင်းဆောင်များ ကောင်စီ ဂုဏ်ထူးဆောင် အဖွဲ့ဝင် ရာထား

20 December 2008

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကို ကမ္ဘာ့အမျိုးသမီး ခေါင်းဆောင်များ ကောင်စီရဲ့ ဂုဏ်ထူးဆောင် ကောင်စီ အဖွဲ့ဝင်အဖြစ် ခန့်အပ်ဖို့ ရာထားလိုက်ပါတယ်။ ၀ါရှင်တန် မြို့တော် အခြေစိုက် ကမ္ဘာ့အမျိုးသမီး ခေါင်းဆောင်များ ကောင်စီက ကြေညာချက် ထုတ်ပြန်ထားတာနဲ့ပတ်သက်လို့ ကိုသိန်းထိုက်ဦး က တင်ပြထားပါတယ်။

ကမ္ဘာ့အမျိုးသမီး ခေါင်းဆောင်များ ကောင်စီမှာ ကမ္ဘာတ၀ှမ်း လက်ရှိနဲ့ အရင်က တာဝန် ထမ်းဆောင်ခဲ့တဲ့ အမျိုးသမီး ခေါင်းဆာင် ၃၇ ယောက်က ဦးဆောင် ဖွဲ့စည်းထားတဲ့ အဖွဲ့ပါ။ ဒေါ်အောင်ဆန်းစုကြည်ဟာ ဒီအဖွဲ့ရဲ့ ပထမဆုံး ဂုဏ်ထူးဆောင် ကောင်စီအဖွဲ့ဝင်အဖြစ် ခန့်အပ်ဖို့ မဲပေး ရာထားခံထားရပါတယ်။

ဒေါ်အောင်ဆန်းစုကြည်ရဲ့ မြန်မာပြည် လွတ်လပ်ရေး၊ လူ့အခွင့်အရေးကို လေးစား လိုက်နာဖို့ နဲ့ ဒီမိုကရေစီ ပြန်လည် ပေါ်ထွန်းရေး ကြိုးပမ်းချက်တွေကြောင့် အခုလို ကမ္ဘာ့အမျိုးသမီး ခေါင်းဆောင်များ ကောင်စီရဲ့ ဂုဏ်ထူးဆောင် ကောင်စီ အဖွဲ့ဝင် အဖြစ်လက်ခံဖို့ ရာထားတာလို့ ကြေညာချက်မှာ ဖော်ပြပါတယ်။

ကမ္ဘာ့အမျိုးသမီး ခေါင်းဆောင်များ ကောင်စီဟာ ကမ္ဘာတ၀ှမ်း အမျိုးသမီး ခေါင်းဆောင်တွေအပေါ် တာဝန်အပ်နှင်းမှုနဲ့ အမျိုးသမီးအမျိုးသား ခွဲခြားမှုတွေ အဆုံးသတ်ဖို့၊ အမျိုးသမီးခေါင်းဆောင်တွေနဲ့ အမျှော်အမြင်နဲ့ အတွေ့အကြုံတွေကို အခြေခံပြီး ကမ္ဘာတ၀ှမ်း အစိုးရကောင်းတွေ ပေါ်လာအောင် ထောက်ပံ့ကူညီဖို့ ဦးတည်ပြီး နိုင်ငံတကာ အတိုင်းအတာနဲ့ ဆောင်ရွက်နေတဲ့ အဖွဲ့ဖြစ်ပါတယ်။

ဒီအဖွဲ့ရဲ့ လက်ရှိ ဥက္ကဋ္ဌက ကုလသမဂ္ဂလူ့အခွင့်ရေးရာ ကော်မရှင် မင်းကြီးအဖြစ် တာဝန် ထမ်းဆောင်ခဲ့ဘူးတဲ့ အိုင်ယာလန် သမ္မတဟောင်း မေရီ ရော်ဘင်ဆင် (Mary Robenson) ပါ။ ကောင်စီ အဖွဲ့ဝင် တယောက်ဖြစ်တဲ့ ဂါနာ သမ္မတဟောင်း ဂျဲနက် ဂျေဂင် (Janet Jagan) က မြန်မာနိုင်ငံအတွင်း ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေအတွက် စိုးရိမ်တဲ့အကြောင်း၊ အမြန်ဆုံး ပြန်လွတ်မယ်လို့ မျှော်လင့်တဲ့အကြောင်း ပြောဆိုတာကိုလည်း ကြေညာချက်မှာ ဖော်ပြထားပါတယ်။

နောက် ပြင်သစ် ၀န်ကြီးချုပ်ဟောင်းအဖြစ် တာဝန်ထမ်းဆောင်ခဲ့ဘူးတဲ့ အီဒစ်တ် ခရက်စ်ဆန် (Edith Cresson) ကလည်း ဒေါ်အောင်ဆန်းစုကြည် လွတ်မြောက်ရေးနဲ့ အမျိုးသမီးခေါင်းဆောင်များ ကောင်စီရဲ့ ကြိုးပမ်းချက်တွေကို ထောက်ခံတဲ့ အကြောင်း ပြောဆိုထားပါတယ်။
http://www.voanews.com/burmese/2008-12-20-voa4.cfm

ထွက်ပြေးလာသည့် မြောက်ကိုရီးယား ၁၉ ယောက် မြန်မာပြည်မှာ အဖမ်းခံရ

20 December 2008

မြောက်ကိုရီးယားက ထွက်ပြေးလာတဲ့ လူ ၁၉ ယောက်ကို မြန်မာပြည်တွင်း တရားမ၀င် ၀င်ရောက်မှုနဲ့ တရားစွဲဖို့ ပြင်ဆင်နေပါတယ်။ မြောက်ကိုရီးယားက ဘက်ပြောင်းလာသူ ၁၉ ယောက်ဟာ မြောက်ကိုရီးယားက တရုတ်ပြည်၊ တရုတ်ပြည်ကနေ အရှေ့တောင်အာရှ ကို ဖြတ်ခါ တောင်ကိုရီးယားကို သွားရောက်ဖို့ ရှိပါတယ်။

တရုတ်ပြည်မှာ ဘယ်လောက်ကြာကြာ နေခဲ့တယ်ဆိုတာ မသိရပေမယ့် မြန်မာပြည်တွင်းကိုတော့ ဒီဇင်ဘာလ ၂ ရက်နေ့မှာ ၀င်လာလို့ အဖမ်းခံရတာပါ။ ပြည်တွင်း ၀င်ရောက်လာလို့ ဖမ်းဆီးလိုက်တာဖြစ်တယ် တရားမ၀င် ၀င်ရောက် လာသူတွေဖြစ်တဲ့အတွက်လည်း လူဝင်မှုကြီးကြပ်ရေး ဥပဒေအရ အရေးယူရမှာဖြစ်တယ်လို့ မြန်မာအစိုးရရဲ့ ရဲအရာရှိ တစ်ယောက်က ပြောပါတယ်။

ရှေ့သီတင်းပတ်ထဲမှာ ရုံးတင်စစ်ဆေးမှာဖြစ်ပါတယ်။ ထိန်းသိမ်းရေးစခန်းကနေ အကျဉ်းထောင်ထဲကို ရောက်သွားတဲ့ မြောက်ကိုရီးယားနိုင်ငံသား ၁၉ ယောက်ထဲမှာ အမျိုးသမီး ၁၅ ယောက် အမျိုးသား လေးယောက် ပါဝင်ကြပါတယ်။ မြန်မာပြည်မှာရှိတဲ့ မြောက်ကိုရီးယား သံရုံးက ဒီကိစ္စကို ၀င်ရောက်ပြောဆိုတာ မရှိသေးပါဘူး။ မြောက်ကိုရီးယားကို ပြန်ပို့မယ်ဆိုတာ သေချာ မသိရသေးပေမယ့် မြန်မာလူဝင်မှုကြီးကြပ်ရေး ဥပဒေအရ ပြစ်မှုထင်ရှားတယ် ဆိုရင် ထောင်ဒဏ်နှစ်ရှည် ချခံရဖွယ်ရှိပါတယ်။

တရုတ်ပြည် ကတော့ ဆင်းရဲမွဲတေ နှိပ်ကွပ်မှုကြောင့် ထွက်ပြေးလာတဲ့ မြောက်ကိုရီးယားတွေဟာ စီးပွားရေးကြောင့် ထွက်ပြေးလာသူတွေဆိုပြီး မြောက်ကိုရီးယားကို ပြန်ပို့လေ့ရှိပါတယ်။
http://www.voanews.com/burmese/2008-12-20-voa3.cfm

Free Burma Myanmar in 2009

ဘဂ္ဂဒက် မှ ဖိနပ်ပစ်သမား

မြန်မာနိုင်ငံအတွက်လူမှုရေးအကူအညီ ဒေါ်လာ ၅၈ သန်း ပံ့ပိုးဖို့ အီးယူဆုံးဖြတ်

19 December 2008


မြန်မာနိုင်ငံမှာ ဘေးဒုက္ခမျိုးစုံရောက်နေတဲ့ မြန်မာပြည်သူတွေကို အမေရိကန်ဒေါ်လာ
၅၈ သန်းကျော်နဲ့ ညီမျှတဲ့ ငွေကြေးအကူအညီပေးဖို့ ဥရောပကော်မရှင်က မနေ့က
ဆုံးဖြတ်လိုက်ပါတယ်။

ပေးအပ်မယ့်အကူငွေတွေဟာ ယူရိုငွေနဲ့ ၄၀.၅ သန်းဖြစ်ပြီး အဲဒီထဲမှာ မြန်မာနိုင်ငံမှာ
နာဂစ်မုန်တိုင်းဒဏ်ခံရပြီး ဧရာဝတီမြစ်ဝကျွန်းပေါ်ဒေသက ဘေးဒုက္ခရောက်ခဲ့သူတွေ
အတွက် ယူရိုငွေ ၂၂ သန်း ပါဝင်ပါတယ်။ တခြား ဆင်းရဲသားပြည်သူတွေအတွက်
၂၀၀၉ ခုနှစ် အစီအစဉ်တွေ ချမှတ်ဆောင်ရွက်ဖို့ ယူရိုငွေ ၁၈.၅ သန်း ပေးအပ်မှာ
ဖြစ်ပါတယ်။

ဒီအကူအညီတွေကြောင့် လူ ၂,၀၀၀,၀၀၀ လောက်ကို အကူအညီ အထောက်အပံ့တွေ
ပေးနိုင်လိမ့်မယ်လို့ မျှော်လင့်တဲ့အကြောင်း ဥရောပကော်မရှင်က ကြေညာချက်
ထုတ်ပြန်ထားပါတယ်။
ဒီအကူအညီတွေကို အီးယူ လူသားချင်း စာနာထောက်ထားမှုပေးရေး အီးစီအိပ်ခ်ျအိုရုံး
က ပေးအပ်မှာဖြစ်ပြီး အစိုးရလက်အောက်ခံမဟုတ်တဲ့ အဖွဲ့အစည်းတွေ၊ ကုလသမဂ္ဂ
အေဂျင်စီတွေနဲ့ ကြက်ခြေနီအဖွဲ့တွေကတဆင့် ပေးအပ်သွားမှာဖြစ်ပါတယ်။

မြန်မာဒုက္ခသည် ၃၀ ဂျပန်နိုင်ငံ လက်ခံမည်ဟု ကြေညာ

19 December 2008


ထိုင်းနိုင်ငံမှာ လက်ရှိနေထိုင်နေတဲ့ မြန်မာဒုက္ခသည် ၃၀ ကို ဂျပန်နိုင်ငံက ခေါ်ယူမယ်
လို့ ပြောပါတယ်။ ဧပြီလမှာစတင်မယ့် ၂၀၁၀ ဘဏ္ဍာနှစ်အတွင်း ဒီဒုက္ခသည်တွေကို
ခေါ်ယူမယ်လို့ ဂျပန်အစိုးရက ကြာသပတေးနေ့ကပဲ ကြေညာသွားပါတယ်။

ခေါ်ယူဖို့ဒုက္ခသည်တွေကိုတော့ မရွေးချယ်ရသေးဘဲ သူတို့ ဂျပန်ကိုရောက်ရင် ဘာသာ
စကားနဲ့ အသက်မွေးဝမ်းကြောင်းမှု ပညာရပ်တွေ သင်ပေးမှာဖြစ်ပါတယ်။

ဂျပန်ဝန်ကြီးချုပ် တာရို အာဇို (Taro Aso) က ဒုက္ခသည်များဆိုင်ရာ ကုလသမဂ္ဂ မဟာ
မင်းကြီး အန်တိုနီယို ဂူတာရပ်စ် (Antonio Guterres) နဲ့ တိုကျိုမှာ မနေ့က တွေ့ဆုံခဲ့ပါ
တယ်။

အတည်တကျ အခြေချနေထိုင်လို့မရမယ့် မိခင်ရင်း ပဋိပက္ခနိုင်ငံတွေက ထွက်ခွာလာ
ကြသူတွေကို ခေါ်ယူပြီး အခြေချနေထိုင်ခွင့်ပြုဖို့ ကုလသမဂ္ဂ ဒုက္ခသည်ရုံးက တတိယ
နိုင်ငံတွေကို ဖိအားပေးနေတာ ဖြစ်ပါတယ်။

ဒီအစဉ်အစဉ်အရ ဂျပန်ဟာ ဒုက္ခသည်တွေကို လက်ခံတဲ့ ပထမဆုံး အာရှနိုင်ငံ ဖြစ်ပါ
လိမ့်မယ်။
ဒီလို ကုလသမဂ္ဂရဲ့ ဒုက္ခသည်များ တတိယနိုင်ငံမှာ အခြေချနေထိုင်တဲ့ အစီအစဉ်မှာ
အမေရိကန်ပြည်ထောင်စုလည်း ပါဝင်ပါတယ်။
http://www.voanews.com/burmese/2008-12-19-voa3.cfm

ကမ္ဘာ့စီးပွားရေး အကျပ်အတည်း မြန်မာပြည်သူတွေကို ရိုက်ခတ်

18 December 2008


ကမ္ဘာတ၀န်းမှာ စီးပွားရေး အကျပ်အတည်းနဲ့ ကြုံတွေ့နေရတဲ့အချိန်မှာ နဂိုကတည်းက
မှ စီးပွားရေး ဖွံ့ဖြိုးမှုနိမ့်ကျနေတဲ့ မြန်မာနိုင်ငံအနေနဲ့လည်း စီးပွားရေး ပြဿနာတွေနဲ့
ရင်ဆိုင်နေကြရတာပါ။ အလုပ်အကိုင် အခွင့်အလမ်း ရှားပါးတာ၊ ၀င်ငွေနိမ့်ကျတဲ့
အခြေအနေမျိုးတွေ ရှိနေရတဲ့ အခြေအနေမှာ အခုလို ကမ္ဘာနဲ့အ၀န်း စီးပွားရေး
ကျဆင်းမှုတွေနဲ့ ကြုံနေရလို့ မြန်မာနိုင်ငံသားတွေကြား ညည်းညူသံတွေကိုလည်း
ကြားနေရပါတယ်။ အကြောင်းစုံကို ကိုအောင်လွင်ဦးက တင်ပြပေးထားပါတယ်။

ကမ္ဘာ့စီးပွားရေး အကျပ်အတည်းကြားမှာ မြန်မာနိုင်ငံလို ဆင်းရဲတဲ့နိုင်ငံမျိုးမှာ အခြေ
အနေတွေက ပိုလို့ဆိုးနေတယ်လို့ ပြောဆိုနေကြတာပါ။ အလုပ်အကိုင် အခွင့်အလမ်း
နည်းပါးတာ၊ စီးပွားရေးလုပ်ငန်းတွေကို လွတ်လွတ်လပ်လပ် လုပ်ကိုင်နိုင်ခွင့်မရှိတာ
စတဲ့ အခြေအနေတွေအောက်မှာ မြန်မာနိုင်ငံသားတွေ ခြိုးခြံချွေတာရင်းနဲ့ နိစ္စဓူဝ ဘ၀
တွေကို ဖြတ်သန်းနေကြရတာပါ။ ရန်ကုန်မြို့ခံတယောက် ပြောပြတာကတော့ …

"ကျပ်တည်းတယ်ဆိုတာ အခု ကျနော်တို့ဆီက ထွက်ကုန်တွေကအစ ဈေးတွေ တအား
ကျနေတယ်။ ဥပမာ နိုင်ငံခြားကိုတင်ရတဲ့ ငါးဆိုရင် ဈေးတွေကျနေလို့ ကန်သမားတွေ
အဆင်မပြေဘူး။ ကန်သမားတွေ အဆင်မပြေတော့ သူတို့ကို မှီခိုနေရတဲ့ ကျန်တဲ့
မိသားစုတွေ အကုန်လုံးလည်း အဆင်မပြေတော့ဘူး။ အဲလိုတွေပေါ့၊ ကျနော်တို့ကြုံရတဲ့
အပိုင်းမှာတော့။

"ဈေးကျတယ်ဆိုပေမယ့်လည်း ကျနော်တို့မှာ ၀ယ်စားနိုင်တဲ့အင်အား မရှိဘူး။ ခြိုးခြံရ
တာလည်း အကုန်ပဲ။ ဒီမှာက အကုန်လုံးက ရှားပါးနေတာလေ။ နေရာတကာ အကုန်ပဲ။
စားတာသောက်တာလည်း အရင်တုန်းက တထောင်လောက်နဲ့စားရင် အခု ခုနှစ်ရာ
လောက်နဲ့ ဖြစ်အောင်စားရတယ်။ ၀င်ငွေက တအားနည်းတဲ့အခါကြတော့ ဒီပိုက်ဆံနဲ့
ချိန်ပြီးတော့သုံးရတာပေါ့။ ဘာပဲပြောပြော အဆင်မပြေတာတော့ အမှန်ပဲ။"

ဒီလို ညည်းညူနေကြပေမယ့်လည်း မြန်မာစစ်အစိုးရ သတင်းစာထဲမှာတော့ ကမ္ဘာ့
စီးပွားရေး အကျပ်အတည်းက မြန်မာနိုင်ငံကို ထိခိုက်မှုမရှိဘူး၊ အခြေအနေတွေဟာ
တည်တည်ငြိမ်ငြိမ်ပဲ ရှိနေပါတယ်ဆိုပြီး ဖော်ပြနေပါတယ်။ အမေရိကန်နိုင်ငံက စလိုက်
တဲ့ ဘဏ္ဍာရေးပြဿနာတွေဟာ ကမ္ဘာတ၀န်းကို ရိုက်ခတ်ခဲ့လို့ ပြဿနာတွေနဲ့ ကြုံနေ
ရပေမယ့် မြန်မာနိုင်ငံကတော့ အပြုံးမပျက်ပါဘဲဆိုပြီး အခန်းဆက်ဆောင်းပါးတွေနဲ့
ဖော်ပြနေတာပါ။ မြန်မာနိုင်ငံမှာ စီးပွားရေးအခြေအနေတွေဟာ တကယ်ပဲ တည်ငြိမ်မှု
တွေ ရှိနေပါသလား၊ နောက်ထပ် ရန်ကုန်မြို့ခံတယောက် ပြောပြတာကတော့ …

"ပြည်တွင်းမှာတော့ အလုပ်က သိပ်မဖြစ်ဘူး။ အလုပ်တွေက လူလျှော့တာတို့၊
ထပ်မခေါ်တာတို့ ရှိတဲ့အခါကြတော့ ဘယ်လိုလုပ် စီးပွားရေးက ကောင်းတယ်လို့ ဆိုလို့
ရမလဲ။ ဘွဲ့ရပြီးတောင်မှ အခွင့်အရေးက အရမ်းနည်းနေတယ်၊ အလုပ်တခုရဖို့ကို။
အခြေအနေကတော့ အခုဟာက ရှိတဲ့ဟာလေးနဲ့ ဆက်နေတဲ့သဘောပဲ။ ဘယ်အချိန်
ပေါက်ကွဲထွက်လာမလဲဆိုတာ မသိနိုင်တဲ့အခြေအနေမှာ ရောက်နေတယ်။

"အခုလက်ရှိအခြေအနေကို အကုန်လုံးက စိတ်ညစ်နေတဲ့သဘောမှာ ရှိတယ်။ အခုချိန်
ကစပြီး နည်းနည်းသိသာလာပြီ။ တဖြည်ဖြည်းနဲ့ ပိုဆိုးသွားမယ့် အခြေအနေတော့
ရှိတယ်။ တချို့ ဒီစီးပွားရေးဂယက်နဲ့ မထိခိုက်တဲ့လူတွေတော့ ရှိကောင်းရှိမယ်၊
ပတ်သက်ရာ ပတ်သက်ကြောင်းတွေနဲ့။

"အခုဟာ ခရီးသွားဖို့တောင် လူတွေက အရေးကြီးတဲ့ကိစ္စလောက်ပဲ ထွက်တော့တယ်။
အတတ်နိုင်ဆုံး လျှော့ချထားတဲ့သဘော ရှိတယ်။ အရောင်းအ၀ယ်တွေကတော့
ပါးတာပေါ့။ လူတွေက စားသောက်ဆိုင်တွေ ဘာတွေ သိပ်မလာတော့ဘူး။"

ဒီလိုပဲ အစိုးရရဲ့ သတင်းစာတွေထဲမှာ မြန်မာနိုင်ငံက အခြေအနေတွေဟာ တည်တည်
ငြိမ်ငြိမ်ပါပဲလို့ ရေးသားနေသလို ဒီကနေ့လည်း ဆက်လက်ဖော်ပြရာမှာ ပြီးခဲ့တဲ့ မေလ
ထဲတုန်းက နာဂစ်ဆိုင်ကလုန်းဘေးဒဏ် ခံခဲ့ရတာကိုတောင် ပြည်တွင်းအားနဲ့ စုပေါင်း
ဖြေရှင်းလို့ ပြေလည်သွားရပါတယ်ဆိုပြီး ပြောခဲ့တာပါ။ လေမုန်တိုင်းဒဏ် အဆိုးရွားဆုံး
ခံခဲ့ရတဲ့ မြစ်ဝကျွန်းပေါ်ဒေသက လက်ရှိအခြေအနေတွေနဲ့ ပတ်သက်လို့ ဒေသခံတွေ
ပြောကြတာကတော့ ဒီလိုမဟုတ်ပါဘူး။

"စီးပွားရေးက အကုန်ထိတာပေါ့။ ကျနော်တို့မြို့ပေါ်မှာလုပ်တဲ့ အလုပ်တွေအားလုံး
လည်း ထမင်းစားရရုံလောက်ကို တော်တော်ကြိုးစားနေရတယ်။ အလုပ်အကိုင် အခွင့်
အလမ်းတွေလည်း ဘာမှမရှိပါဘူး။ တကယ့်လယ်သမား၊ တကယ့်ရေလုပ်သားတချို့
ဒီအတိုင်းပဲ၊ သူတို့ဆီမှာ မြို့ပေါ်တက်ဖို့ လမ်းစရိတ်မရှိတဲ့လူတွေက ဘာပိုက် ဘာလှေမှ
ရမှာမဟုတ်ဘူး။ တော်တော်နည်းပါးပါတယ်၊ ကျနော်တို့ဆီမှာ။

"လူတယောက်က လက်ဖက်ရည်ဆိုင်ဖွင့်ရင် အကုန် လက်ဖက်ရည်ဆိုင်၊ ကွမ်းဆိုင်
ထွက်မယ်ဆိုရင် အကုန် ကွမ်းဆိုင်။ အဲလိုပေါ့။ အလုပ်အကိုင် အခွင့်အလမ်းနည်းတော့
အကုန်စုပြုံနေကြတယ်။ လူတယောက် ကောက်ညှင်းပေါင်းရောင်းရင် အကုန်
ကောက်ညှင်းပေါင်း။ သီးခြား အခွင့်အလမ်းတွေ မရှိဘူးလေ။ မရှိတော့ လူတွေက
အလုပ်တခုထဲမှာ ပြုံပြီးတော့ လုပ်ကြရတာပေါ့။

"ကျနော်တို့ နာဂစ်ဒေသမှာ အခုနောက်ပိုင်းဆိုရင် သားငါးရှာတာကအစ တော်တော်
အခက်အခဲတွေ့တယ်။ ဆန်စပါးဖြစ်ထွန်းမှုကလည်း အားလုံးပေါင်းရင် လယ်ဧက ၄၀%
လောက်ပဲ စိုက်နိုင်တယ်။ အဲဒီထဲမှာမှ ပါးပါးလျားလျားပဲ ဖြစ်ထွန်းတယ်။ နဂိုက
လယ်တကွက်ကို ၇၀၊ ၈၀ ထွက်တဲ့ နေရာတွေမှာ အခု ရိပ်ပြီးစ လယ်တကွက်မှာ စပါး
၃၀၊ ၃၅၊ ၄၀ အဲဒီလောက်ပဲရတယ်။ ရတဲ့အထဲမှာတောင် ဆန်မအောင်တဲ့စပါးတွေ
တွေ့ရတယ်။ အများကြီးပေါ့။ မျိုးစပါးဖိုးကြေရုံပဲ။ အလုပ်သမားခ ရှုံးတာပေါ့။ ဟန်ချက်
ညီညီ မဖွံ့ဖြိုးပါဘူး။"
တကယ်တော့ မြန်မာစစ်အစိုးရက တိုင်းပြည်ရဲ့ စီးပွားရေးအခြေအနေနဲ့ ပတ်သက်လို့
အချက်အလက်တွေ၊ သတင်းတွေ ထုတ်ပြန်ရာမှာ အားနည်းချက်တွေ ရှိလေ့ရှိပါတယ်။
မြန်မာနိုင်ငံက စီးပွားရေးဖွံ့ဖြိုးတိုးတက်မှုနှုန်းနဲ့ ပတ်သက်လို့ ဆိုရင်လည်းပဲ ၁၀%
ကျော်အထိရှိတယ်လို့ ထုတ်ပြန်ပြောဆိုလေ့ ရှိပေမယ့်လည်း တကယ့်လက်တွေ့မှာ
တော့ ဒီထက်အများကြီး လျော့နည်းစရာရှိတယ်လို့ အာရှဖွံ့ဖြိုးရေးဘဏ် (ADB) လို
အဖွဲ့အစည်းတွေက ပြောဆိုထားတာပါ။ အခုနောက်ဆုံး ADB ရဲ့ ၂၀၀၈ ခုနှစ် စီးပွား
ရေးခန့်မှန်းချက် အရဆိုရင်လည်း မြန်မာနိုင်ငံရဲ့ စီးပွားရေးတည်ငြိမ်မှုနဲ့ ပတ်သက်လို့
စိုးရိမ်စရာ အခြေအနေတွေ ရှိနေဦးမယ်ဆိုပြီး ပြောဆိုထားပါတယ
http://www.voanews.com/burmese/2008-12-18-voa6.cfm

Minthuwon and U thant 100 year inviation letter

Min Thu Won and u Thant Meeting Inviation Letter

Publish at Scribd or explore others:

မြန်မာ့အရေး အီးယူနဲ့ဂျပန် ပုံမှန်ဆွေးနွေးဖို့ သဘောတူ

မြန်မာနိုင်ငံဆိုင်ရာ အီးယူ အထူး ကိုယ်စားလှယ် မစ္စတာ ပီယာရို ဖက်ဆီနို။
16 December 2008

မြန်မာနိုင်ငံအရေး တိုးတက်မှုတွေရှိလာအောင်အီးယူ ဥရောပအဖွဲ့ဝင်နိုင်ငံတွေနဲ့ ဂျပန်နိုင်ငံ
အကြား ပုံမှန်ဆွေးနွေးတိုင်ပင်သွားမယ်ဆိုပြီးမြန်မာနိုင်ငံဆိုင်ရာ ဥရောပနိုင်ငံတွေရဲ့ အထူး
ကိုယ်စားလှယ် ပီယာရို ဖက်ဆီနို (PieroFassino) က ကြေညာချက် ထုတ်ပြန်ပါတယ်။
ဂျပန်နိုင်ငံခရီးစဉ်ကအပြန် အခုလို ကြေညာချက် ထုတ်ပြန်တာပါ။ အသေးစိတ်ကို
ကိုသိန်းထိုက်ဦးက တင်ပြပေးထားပါတယ်။

မစ္စတာဖက်ဆီနိုဟာ ဂျပန်နိုင်ငံ တိုကျိုမြို့မှာတနင်္လာနေ့က ဂျပန် ဒုတိယနိုင်ငံခြားရေး
ဝန်ကြီး နိုဘန်ဟိဒေး မိုင်နိုရီကာဝါ (Nobuhide Minorikawa) နဲ့ တွေ့ဆုံခဲ့ပါတယ်။
မြန်မာနိုင်ငံရဲ့ နောက်ဆုံးအခြေအနေတွေကို တွေ့ဆုံဆွေးနွေးခဲ့တယ်ဆိုပြီး ကြေညာ
ချက်မှာ ဖော်ပြပါတယ်။

မြန်မာနိုင်ငံမှာ စစ်အစိုးရနဲ့ အတိုက်အခံ ဒီမိုကရေစီအင်အားစုတွေ၊ တိုင်းရင်းသား
လူမျိုးစုတွေအကြား စစ်မှန်တဲ့ နိုင်ငံရေး တွေ့ဆုံဆွေးနွေးမှုတွေ ပေါ်ပေါက်လာဖို့
အရေးကြီးနေပြီဆိုတာကို မစ္စတာဖက်ဆီနိုက ဂျပန်နိုင်ငံနဲ့ သဘောတူ ဆွေးနွေးခဲ့
တယ်လို့ ပြောပါတယ်။

ဂျပန်နိုင်ငံဟာ ရှေ့လာမယ့်နှစ်နှစ် ကုလသမဂ္ဂ လုံခြုံရေးကောင်စီရဲ့ အလှည့်ကျ အဖွဲ့ဝင်
နိုင်ငံ ဖြစ်ပါတယ်။ ဒီလို လုံခြုံရေးကောင်စီမှာ အမြဲတမ်းမဟုတ်တဲ့ အလှည့်ကျအဖွဲ့ဝင်
အဖြစ် ပါဝင်ခွင့်ရတဲ့အချိန် အာရှရဲ့ အဓိကနိုင်ငံဖြစ်တဲ့ ဂျပန်နဲ့ အီးယူအကြား မြန်မာ
နိုင်ငံအရေး လက်တွဲဆောင်ရွက်ဖို့ အရေးကြီးတယ်ဆိုတာကို မစ္စတာ ပီယာရို ဖက်ဆီနို
က အလေးအနက် ပြောဆိုဆွေးနွေးခဲ့ပါတယ်။

ဒီလိုအရေးကြီးတဲ့အတွက် အီးယူနဲ့ ဂျပန်နိုင်ငံအကြားမှာ မြန်မာနိုင်ငံ့အရေး ပုံမှန်
ဆွေးနွေးတာတွေ လုပ်မယ်လို့ ပြောတာဖြစ်ပါတယ်။

အန်စီယူဘီ ပြည်ထောင်စုမြန်မာနိုင်ငံ အမျိုးသားကောင်စီ ဥရောပရေးရာရုံး ညွှန်ကြား
ရေးမှူး ဦးနွယ်အောင်ကတော့ မစ္စတာဖက်ဆီနိုရဲ့ မြန်မာ့အရေး ကြိုးပမ်းမှုတွေကို
ကြိုဆိုပါတယ်။ ဂျပန်အပြင် တခြားအရေးကြီးတဲ့ အာရှနိုင်ငံတွေနဲ့ ထိတွေ့ဆက်ဆံပြီး
မြန်မာနိုင်ငံအတွက် အကောင်းဆုံးဖြစ်အောင်လုပ်ဖို့ သူတို့အနေနဲ့ အကြံပေးထားတယ်
လို့ ပြောပါတယ်။

"မစ္စတာဖက်ဆီနိုက ဒီလို ဂျပန်နိုင်ငံနဲ့ သွားပြီးဆွေးနွေးတာကို အပြုသဘောမျိုး
ဆွေးနွေးတယ်၊ အကောင်းဘက်ကနေ ကျနော်တို့ မြင်ပါတယ်။ ဂျပန်အစိုးရဟာလည်း
သူတို့ လုံခြုံရေးကောင်စီ ရောက်တဲ့အချိန်မှာ မြန်မာနိုင်ငံအတွက် လုပ်လိမ့်မယ်လို့
ကျနော်တို့ မျှော်လင့်တယ်။ မစ္စတာဖက်ဆီနိုကိုလည်း ကျနော်တို့ တွေ့တိုင်းတွေ့တိုင်း
အမြဲ Request လုပ်ပါတယ်။ အာရှကိုလာတဲ့အခါ ဂျပန်၊ အိန္ဒိယ၊ တရုတ်တို့နဲ့ ကျနော်တို့
မြန်မာနိုင်ငံအတွက် Positive Result ထွက်အောင် ဆောင်ရွက်ပေးဖို့ကို ပြောတဲ့အခါမှာ
နောက်ဆုံး ဘရပ်ဆဲလ်မှာ တွေ့တုန်းကလည်း သူ့ကိုပြောခဲ့တဲ့အခါ သူက လက်ခံပါ
တယ်။

"အီးယူရဲ့ကိုယ်စားလှယ်လည်းဖြစ်၊ မစ္စတာဖက်ဆီနိုဟာ မြန်မာနိုင်ငံရဲ့ အရေးကိုလည်း
အရင်ကတည်းက ဆောင်ရွက်ခဲ့တဲ့ ပုဂ္ဂိုလ်ဖြစ်တဲ့အတွက် သူ့ရဲ့တိုက်တွန်းချက်တွေ၊ သူ့ရဲ့
တောင်းဆိုချက်တွေကို ဂျပန်နိုင်ငံတို့၊ အာဆီယံနိုင်ငံတွေက နားထောင်ပြီး ဆောင်ရွက်
စရာရှိတာတွေကို ဆောင်ရွက်လိမ့်မယ်လို့ ကျနော်တို့ မျှော်လင့်ပါတယ်။ မစ္စတာ
ဖက်ဆီနိုက ဒီ့အပြင် အထွေထွေအတွင်းရေးမှူးချုပ် မစ္စတာဘန်ကီမွန်းတောင်မှ မြန်မာ
ပြည်ကိုသွားဖို့ လိုတယ်လို့ ထည့်ပြောတဲ့အတွက် သူ့ရဲ့ Statement ကို ကျနော်တို့ ကြိုဆို
ပါတယ်။"

ဂျပန်နိုင်ငံကအပြန် သတင်းထောက်တွေနဲ့ တွေ့ဆုံတဲ့အချိန်မှာ မြန်မာနိုင်ငံဆိုင်ရာ
ဥရောပနိုင်ငံတွေရဲ့ အထူးကိုယ်စားလှယ် ပီယာရို ဖက်ဆီနိုက ကုလသမဂ္ဂ အတွင်းရေး
မှူးချုပ် ဘန်ကီမွန်းကိုယ်တိုင် မြန်မာနိုင်ငံကိုသွားမယ်ဆိုရင် မြန်မာနိုင်ငံမှာ တွေ့ဆုံ
ဆွေးနွေးရေး ပေါ်ပေါက်လာဖို့အတွက် အထောက်အကူဖြစ်နိုင်တယ်ဆိုပြီး မစ္စတာ
ပီယာရို ဖက်ဆီနိုက ပြောဆိုပါတယ်။

အတွင်းရေးမှူးချုပ် ဘန်ကီမွန်းက မြန်မာနိုင်ငံကို သွားမယ်ဆိုရင် ခရီးစဉ်တွေအတွင်း
အဓိပ္ပာယ်ရှိတဲ့ တိုးတက်မှုတွေရှိမှသာ သွားရောက်မယ်၊ ဒီလို တိုးတက်မှုတွေရှိနိုင်မယ့်
အချိန်အခါကို စောင့်နေတယ်လို့ ပြောပါတယ်။
မစ္စတာ ပီယာရို ဖက်ဆီနိုကတော့ အတွင်းရေးမှူးချုပ်ရဲ့ ပုဂ္ဂိုလ်ရေးအရ အစပျိုး
ဆောင်ရွက်မှုတွေဟာ မြန်မာ့အရေးအတွက် အကျိုးရှိမယ်လို့ မျှော်လင့်တဲ့အကြောင်း၊
အတွင်းရေးမှူးချုပ်အနေနဲ့ စနစ်တကျ ပြင်ဆင်မှုတွေလုပ်ပြီး မြန်မာနိုင်ငံကို သွားသင့်
တဲ့အကြောင်း အကြံပြု ပြောဆိုထားတာ ဖြစ်ပါတယ်။
http://www.voanews.com/burmese/2008-12-16-voa5.cfm

သတင်းမီဒီယာ နှိပ်ကွပ်မှုအတွက် မြန်မာစစ်အစိုးရ ဝေဖန်ခံရ

16 December 2008
ကမ္ဘာ့ ၁၀၂ နိုင်ငံက သတင်းစာတိုက်ကြီး ၁၈,၀၀၀ ကျော်ပါဝင်တဲ့အဖွဲ့က မြန်မာပြည်
မှာ သတင်းသမားတွေ၊ လွတ်လပ်စွာ သဘောထားထုတ်ဖော်ခွင့် လှုံ့ဆော်သူတွေကို
ထောင်ချနေတာ ရပ်ပါလို့ စစ်အစိုးရကို တိုက်တွန်းလိုက်ပါတယ်။

ကမ္ဘာ့သတင်းစာတိုက်ကြီးများအသင်း လက်ဘနွန်နိုင်ငံ ဘေရွတ်မြို့မှာ တနင်္လာနေ့က
စည်းဝေးပွဲလုပ်ပြီး ထုတ်ပြန်လိုက်တဲ့ ကြေညာချက်ထဲမှာ မြန်မာပြည်မှာ စစ်အစိုးရ
ကျင့်သုံးနေတဲ့ ၀ါဒလမ်းစဉ်တွေဟာ ကမ္ဘာပေါ်မှာ အဖိနှိပ်ဆုံး၊ အနှိပ်ကွပ်ဆုံးတွေထဲမှာ
ပါဝင်နေတယ်လို့ ဖော်ပြထားပါတယ်။

စစ်အစိုးရအနေနဲ့ နိုင်ငံတကာ သဘောထား လွတ်လပ်ခွင့်၊ ဖော်ထုတ်ခွင့် စံနှုန်းများ
ကျင့်သုံးလာရေး ၀ိုင်းဝန်းဖိအားပေးကြပါလို့လည်း မြန်မာ့အိမ်နီးနားချင်း အရှေ့တောင်
အာရှနိုင်ငံများကို ကမ္ဘာ့သတင်းစာတိုက်ကြီးများအသင်းက တိုက်တွန်းလိုက်ပါတယ်။

မြန်မာပြည်မှာ ထောင်သွင်းအကျဉ်းချခံနေရတဲ့ နိုင်ငံရေးအကျဉ်းသား ၂,၁၀၀ ကျော်
ထဲမှာ သတင်းသမားတွေ၊ လွတ်လပ်စွာ သဘောထားဖော်ထုတ်ခွင့် လှုံ့ဆော်သူတွေ
ပါဝင်ကြတယ်လို့လည်း ကြေညာချက်ထဲမှာ ထောက်ပြထားပါတယ်။
မြန်မာပြည်မှာ နာဂစ်ဆိုင်ကလုန်း လေမုန်တိုင်းဒုက္ခသည်များနဲ့ ပတ်သက်ပြီး သတင်း
ဓာတ်ပုံရိုက်ခဲ့လို့ အမျိုးသမီးသတင်းထောက် အိမ့်ခိုင်ဦး မကြာသေးခင်ကပဲ
ထောင်ဒဏ် ၂ နှစ် ကျခံခဲ့ရပါတယ်။
http://www.voanews.com/burmese/2008-12-16-voa9.cfm

Abhisit - New PM of Thailand (VOA Burmese)

ဆုတောင်းပွဲ သို့ ဖိတ်ကြားအပ်ပါသည်။

21st Dec Wishing Ceremony Final

Publish at Scribd or explore others:

ဦးနေ၀င်းရဲ့သမီး ဒေါ်စန္ဒာဝင်း နေအိမ်အကျယ်ချုပ်က ပြန်လွတ်

အာဏာရှင်ဟောင်း ဦးနေ၀င်းနှင့် သမီးဖြစ်သူ
စန္ဒာဝင်း (ဓာတ်ပုံ - အေပီ၊ ၂၀၀၁ ခုနှစ် မေလ)

13 December 2008
၂၀၀၂ ခုနှစ်က အာဏာသိမ်းဖို့ ကြိုးစားမှုမှာ ပါဝင်ပတ်သက်တယ် ဆိုပြီး နေအိမ်အကျယ်ချုပ် ဖမ်းဆီးခံထားရတဲ့ အာဏာရှင်ဟောင်း ဦးနေ၀င်းရဲ့ သမီး ဒေါ်စန္ဒာဝင်းကို စစ်အစိုးရ နေအိမ်အကျယ်ချုပ်က ပြန်လွှတ်ပေးလိုက်ပါတယ်။

ဒေါ်စန္ဒာဝင်းရဲ့ ခင်ပွန်းဖြစ်သူ ဦးအေးဇော်ဝင်းနဲ့ သား သုံးယောက်ဟာ အာဏာသိမ်းမှုမှာ ပါဝင်ပတ်သက်ဆိုပြီး ဆိုင်းငံ့သေဒဏ်တွေ စီရင်ခံရပြီး အင်းစိန်ထောင်ထဲမှာ အကျဉ်းချခံနေရဆဲ ဖြစ်ပါတယ်။ ဒီမိုကရေစီနည်းကျ ရွေးကောက် တင်မြှောက်ခံထားရတဲ့ အစိုးရအဖွဲ့ကို ဖြုတ်ချ၊ စစ်တပ်နဲ့ အာဏာသိမ်းခဲ့သူ ဗိုလ်ချုပ်ကြီးနေ၀င်းဟာ အရှေ့တောင် အာရှနိုင်ငံတွေထဲက အချမ်းသာဆုံး မြန်မာနိုင်ငံကို ကမ္ဘာ့အဆင်းရဲဆုံး နိုင်ငံတခုဖြစ်အောင် လုပ်ဆောင်သွားသူ ဖြစ်ပါတယ်။ လက်ရှိ စစ်အစိုးရကလည်း ဦးနေ၀င်းဆီကနေ အမွေဆက်ခံထားတဲ့ အစိုးရဖြစ်ပါတယ်။
http://www.voanews.com/burmese/2008-12-13-voa6.cfm

First Lady Laura Bush for Burma (VOA Burmese)

လူ့အခွင့်အရေး နှစ် ၆၀ ပြည့်နှစ်မှာ လူ့အခွင့်အရေး လှုပ်ရှားသူတွေ နှစ်ရှည်ထောင်ဒဏ် အပြစ်ပေးခံနေရဆဲ

ကိုမောင်ရစ်(ယာစွန်) အား အမေရိကန် သမ္မတဘုရှ်၊ အခြား ဘလော့ဂါများနှင့်အတူ တွေ့ရစဉ်။ ဒီဇင်ဘာ ၁၀၊ ၂၀၀၈။
(ဓာတ်ပုံ-White House)12 December 2008

ဒီဇင်ဘာလ ၁၀ ရက်နေ့မှာ ကျရောက်တဲ့အနှစ် ၆၀ ပြည့် အပြည်ပြည်ဆိုင်ရာ လူ့အခွင့်
အရေးနေ့မှာ လူ့အခွင့်အရေး ဆုံးရှုံးနေတဲ့ကမ္ဘာ့နိုင်ငံတွေအတွက် New Media လို့ခေါ်တဲ့
ခေတ်သစ် ဒစ်ဂျစ်တယ်နည်းပညာတွေသုံးပြီးသတင်းဖြန့်ဝေပေးနေကြတဲ့ ဘလော့ဂါတွေ၊
အင်တာနက် သတင်းသမားတွေနဲ့ အမေရိကန်သမ္မတ ဘုရှ် တွေ့ဆုံခဲ့ပါတယ်။

အဲဒီလို ဗုဒ္ဓဟူးနေ့က သမ္မတဘုရှ် အိမ်ဖြူတော်မှာ တွေ့ဆုံခဲ့ကြတဲ့အထဲမှာ မြန်မာ၊ တရုတ်၊
အီရန်၊ အီဂျစ်၊ ဘယ်လာရုစ်၊ ကျူးဘားနဲ့ ဗင်နီဇွဲလားတို့က အင်တာနက် သတင်းသမား
တွေ ပါပါတယ်။ အင်တာနက်ကြားခံသုံးပြီး မြန်မာနိုင်ငံဆိုင်ရာသတင်းတွေ တင်ပြပေး
နေတဲ့ အမေရိကန်က မိုးမခ အင်တာနက်သတင်းဝက်ဘ်ဆိုက် ဖန်တီးသူ ကိုမောင်ရစ်
လည်း သမ္မတဘုရ်ှနဲ့ တွေ့ခွင့်ရခဲ့ပါတယ်။ ဒါကြောင့် အမေရိကန်သမ္မတနဲ့ တွေ့ခဲ့စဉ်မှာ
မြန်မာနိုင်ငံအကြောင်း ဘာတွေဆွေးနွေးခဲ့သလဲဆိုတာ သိရဖို့ မစုမြတ်မွန်က
ကိုမောင်ရစ်ကို ဆက်သွယ်ပြီး သမ္မတကို ဘာတွေပြောပြဖြစ်ခဲ့သလဲဆိုတာကို မေးတဲ့
အခါမှာ ကိုမောင်ရစ်က ခုလို စဖြေပါတယ်။

"အနှစ် ၆၀ လူ့အခွင့်အရေးနေ့မှာ ဒီဘက် ကမ္ဘာတခြမ်းက လူတွေက အနှစ် ၆၀ ပြည့်ပြီ
ဆိုပြီး အခမ်းအနားတွေ ကျင်းပနေကြတဲ့အချိန်မှာ ဟိုဘက်ကမ္ဘာတခြမ်းမှာရှိတဲ့
လူ့အခွင့်အရေး ဆိတ်သုဉ်းတဲ့နိုင်ငံတွေ၊ အထူးသဖြင့် မြန်မာနိုင်ငံမှာ ထောင်ဒဏ် အနှစ်
၆၀၊ အနှစ် ၇၀ စသည်ဖြင့် ထောင်ဒဏ်နှစ်တွေ အများကြီးချပြီးတော့ လူ့အခွင့်အရေး
တောင်းဆိုတဲ့လူတွေကို နှိပ်စက်နေတယ်၊ ညှဉ်းပန်းနေတယ်၊ ထောင်ချနေတယ်၊ အဲဒီ
အကြောင်းတွေကို ကျနော့်အနေနဲ့ ထပ်လောင်းတင်ပြပြီး ပြောခဲ့ပါတယ်။

"ပြီးတော့ အခုအချိန်မှာ လူ့အခွင့်အရေးနဲ့ ပတ်သက်ပြီးတော့ တိုးတက်မှုမရှိတဲ့ နိုင်ငံ
တခုအနေနဲ့ ဆက်ပြီးတော့ အခုလက်ရှိအစိုးရကရော၊ နောက်တက်လာမယ့် အမေ
ရိကန် အစိုးရကရော ဆက်ပြီး ထိရောက်တဲ့၊ လက်တွေ့ကျတဲ့ အရေးယူဆောင်ရွက်မှု
တွေ ဆက်လုပ်ပေးပါ၊ အဲဒါတွေက လိုအပ်နေပါတယ် ဆိုတဲ့ဟာကို ကျနော်ပြောခဲ့ပါ
တယ်။"

အဲဒီမှာ ကိုမောင်ရစ်ပြောတဲ့ ထိရောက်တဲ့၊ လက်တွေ့ကျတဲ့ အရေးယူဆောင်ရွက်မှုတွေ
လုပ်ပေးဖို့ တောင်းခဲ့တယ်ဆိုတော့ ဘယ်လိုအရေးယူဆောင်ရွက်မှုမျိုးလဲ ဆိုတာကို
ရော ရှင်းပြခဲ့ပါသလား။

"အဲဒီလိုမျိုး တိတိကျကျတော့ မပြောနိုင်ခဲ့ပါဘူး။ ဘာဖြစ်လို့လဲဆိုတော့ ရှိတဲ့ အချိန်
တိုတိုအတွင်းမှာ သူအခုလုပ်နေတဲ့ လက်ရှိပေါ်လစီအရ အရေးယူဆောင်ရွက်နေတယ်။
အမေရိကန်နိုင်ငံက ဦးဆောင်ပြီး မြန်မာနိုင်ငံမှာ လူ့အခွင့်အရေး ဆိတ်သုဉ်းနေတဲ့ဟာ
တွေကို ပြောဆိုတယ်၊ ဝေဖန်တယ်၊ ပြစ်တင်တယ်၊ ပြီးတော့ စီးပွားရေးပိတ်ဆို့မှုတွေ
လုပ်တယ်၊ စသည်ဖြင့် ဒါတွေနဲ့ပတ်သက်ပြီး ကျနော့်အနေနဲ့ ကျေးဇူးတင်ပါတယ်၊
ဒီ့ထက်ပိုပြီးထိရောက်အောင် တခြား နိုင်ငံတကာ အကူအညီနဲ့၊ အသိုင်းအ၀ိုင်းနဲ့ လုပ်ပါ၊
ဆက်ပြီးဆောင်ရွက်ပါလို့ပဲ ကျနော် ပြောနိုင်ပါတယ်။"

မြန်မာနိုင်ငံမှာ လက်ရှိဖြစ်နေတဲ့ အခြေအနေတွေကို ကိုမောင်ရစ်က သမ္မတကို တင်ပြ
ခဲ့တဲ့အထဲမှာ ထောင်ဒဏ်နှစ်ရှည် ချခံရတာတို့၊ ဝေးတဲ့ထောင်တွေကို ပို့ခံရတာတို့
ပြောခဲ့တယ်ဆိုတော့ အဲဒီလိုပြောတဲ့အပေါ်မှာ သမ္မတအနေနဲ့ ဘယ်လိုမျိုးမှတ်ချက်
ပြန်ပေးပါသလဲ။

"သမ္မတအနေနဲ့ရော လူ့အခွင့်အရေးကိစ္စနဲ့ ပတ်သက်ပြီး တာဝန်ရှိတဲ့ အစိုးရအဖွဲ့ဝင်
တွေအနေနဲ့ရော မြန်မာပြည်အရေးကိစ္စနဲ့ ပတ်သက်ပြီး အနီးကပ် အမြဲတမ်း လေ့လာ
စောင့်ကြည့်ပြီး နေတဲ့အတွက် သူတို့ဘာသာ သူတို့တောင်မှ ဒါတွေကို ထဲထဲဝင်ဝင်
နားလည်တယ်၊ သိတယ်ဆိုတဲ့သဘော ရှိပါတယ်။ သူတို့ဘာသာ စုံစမ်းသိရှိရတာအပြင်
ကျနော်က ဒါတွေကို ထပ်လောင်းပြီးတော့ အတည်ပြုပြောတာပေါ့။

"မြန်မာပြည်သူတွေအနေနဲ့ ဟုတ်ပါတယ်၊ ခင်ဗျားတို့ကြားနေရတဲ့ သတင်းတွေအတိုင်း
ပဲ ဒီလိုဒုက္ခရောက်နေရတယ်၊ ခံစားနေရတယ်ဆိုတဲ့ဟာကို ကျနော်က ထပ်လောင်းပြီး
ပြောကြားတဲ့အခါကြတော့ သူတို့ အခုလက်ရှိ လုပ်နေတဲ့အလုပ်တွေ၊ ဆောင်ရွက်နေတဲ့
ဟာတွေကို ဆက်ပြီးတော့ လုပ်ရမှာပဲ။ ရှေ့လာမယ့်အစိုးရကိုလည်း ဒီဟာတွေနဲ့
ပတ်သက်ပြီး လိုအပ်တဲ့ အကူအညီတွေ၊ အထောက်အပံ့တွေ၊ သတင်းတွေ၊ ဆက်ပေး
ရမှာပဲဆိုတဲ့ သဘောမျိုး သူက ပြောပါတယ်။"

တကယ်တမ်း ပြန်ကြည့်မယ်ဆိုရင်တော့ လက်ရှိသမ္မတဘုရ်ှရဲ့ သက်တမ်းကလည်း
ရက်ပိုင်းပဲလိုတော့တယ်လို့ ပြောလို့ရပါတယ်။ အမေရိကန်မှာ သမ္မတသစ်က
တက်တော့မယ့်အခါကြတော့ လက်ရှိသမ္မတအနေနဲ့ အသစ်တက်လာမယ့် အမေရိကန်
အစိုးရကို မြန်မာနိုင်ငံပေါ်မှာထားတဲ့ မူဝါဒတွေနဲ့ပတ်သက်ပြီးတော့ သူ့အနေနဲ့
တိုက်တွန်းမယ်၊ ပြောပြမယ်ဆိုတာမျိုးရော လက်ရှိသမ္မတဘုရ်ှက တစုံတရာ ပြောပါ
သလား။

"ပြောပါတယ်ခင်ဗျ။ သူ အဓိကပြောတာကတော့ လူ့အခွင့်အရေးဆိုတာက မွေးရာပါ၊
မွေးကတည်းက လူတိုင်းမှာ ပါပြီးသား အခွင့်အရေးဖြစ်တယ်။ ဘယ်သူကမှလည်း သူ့ကို
ရုပ်သိမ်းလို့၊ ထိန်းချုပ်လို့ မရဘူး။ ဒါ သူ့ရဲ့ ကိုယ်ပိုင် လူ့အခွင့်အရေးဖြစ်တယ်။ ဒီဟာနဲ့
ပတ်သက်ပြီး အခုလိုနိုင်ငံတွေမှာ ဆိတ်သုဉ်းနေတဲ့အတွက်ကြောင့် သူ့အနေနဲ့လည်း
သူတတ်နိုင်သလောက် ဆောင်ရွက်ခဲ့တယ်၊ အခု နောင်တက်လာမယ့် အစိုးရရော၊
သမ္မတကိုရော သူ့အနေနဲ့ ဒီဟာကို ဆက်ပြီးပြောသွားမယ်၊ တိုက်တွန်းသွားမယ် ဆိုတဲ့
ဟာမျိုး သူပြောပါတယ်။

"နိုင်ငံကြီးတနိုင်ငံ၊ ထိပ်တန်းမှာ သြဇာရှိတဲ့ နိုင်ငံတနိုင်ငံက သမ္မတတယောက်အနေနဲ့
အလေးအနက်ပြုပြီး နှစ် ၆၀ ပြည့်တဲ့ လူ့အခွင့်အရေးနေ့ကို သူလုပ်တယ်ဆိုတာက သူ
သမ္မတသက်တမ်း ကုန်ဆုံးတော့မယ့်အချိန်မှာ ရှေ့ဆက်သွားမယ့်လူတွေ၊ တာဝန်ရှိတဲ့
ပုဂ္ဂိုလ်တွေ၊ အစိုးရတွေအနေနဲ့ ဘယ်လိုတွေ ဆက်ဆောင်ရွက်စေချင်တယ်၊ သူ့အနေနဲ့
ဒီဟာတွေကိုတော့ ဂရုစိုက်တယ်၊ ဆက်ပြီးတော့လည်း ဆောင်ရွက်သွားကြပါဆိုတဲ့
သဘောမျိုး ပြသတယ်လို့တော့ ကျနော်ယူဆပါတယ်။"
အမေရိကန်သမ္မတနဲ့ ဗုဒ္ဓဟူးနေ့က တွေ့ဆုံခဲ့သူ မိုးမခ အင်တာနက်သတင်းဝက်ဘ်ဆိုက်
ဖန်တီးသူ ကိုမောင်ရစ် ပြောပြသွားတာ ဖြစ်ပါတယ်။
http://www.voanews.com/burmese/2008-12-12-voa2.cfm

လေဘေးကယ်ဆယ်ရေး ကော်မတီ ဥက္ကဋ္ဌ ဦးအုန်းကြိုင် ပြန်လွတ်

ပန်လည်လွတ်မြောက်လာသော အန်န်အယ်လ်ဒီ မုန်တိုင်းကယ်ဆယ်ရေး ကော်မတီဥက္ကဋ္ဌ ဦးအုန်းကြိုင်။

11 December 2008

ပြီးခဲ့တဲ့ အောက်တိုဘာလက ဖမ်းဆီးခံခဲ့ရတဲ့
အန်န်အယ်လ်ဒီ အမျိုးသားဒီမိုကရေစီအဖွဲ့ချုပ်
မုန်တိုင်းကယ်ဆယ်ရေးကော်မတီ ဥက္ကဋ္ဌ
ဦးအုန်းကြိုင်ကို ဒီနေ့ အာဏာပိုင်တွေက
ပြန်လွှတ်ပေးလိုက်ပါတယ်။ လေဘေးကယ်ဆယ်
ရေး လုပ်ငန်းတွေ အပါအ၀င် အကြောင်းအရာ
တော်တော်များများ အာဏာပိုင်တွေဘက်က
စစ်ဆေးမေးမြန်းတာကို ခံခဲ့ရတယ်လို့
ဦးအုန်းကြိုင်က ပြောပါတယ်။ ဦးအုန်းကြိုင်က
သူ့အနေနဲ့ မပြီးသတ်သေးတဲ့ လေဘေးကူညီရေး
လုပ်ငန်းတွေကို ဆက်လက်လုပ်ကိုင်သွားမယ်လို့
ဗွီအိုအေကို ပြောဆိုပါတယ်။ ကိုသိန်းထိုက်ဦး
ဆက်သွယ်မေးမြန်းတဲ့အချိန် ဦးအုန်းကြိုင်က
အကျဉ်းထောင်ထဲမှာ ၂ လကျော် နေခဲ့ရတဲ့
အခြေအနေကို အခုလို စပြောပြပါတယ်။

"ပထမဆုံး ကျနော် ပဲခူးထောင်မှာခင်ဗျ။ နောက် ၂ လနီးပါးအကြာမှာ အင်းစိန်ကိုပို့ပါ
တယ်။ အင်းစိန်ကနေ အခု ပြန်လွတ်လာတာပါ။"

ပြန်လွတ်လာမယ်ဆိုတာရော အန်ကယ် ကြိုပြီးသိပါသလား။

"မသိပါဘူး။ ကျနော့်ကို အခုမနက် ၁၁ နာရီလောက် တိုက်တာဝန်ကျထောင်မှူးက
လာခေါ်ပါတယ်။ အဲဒါနဲ့ပဲ ကျနော် ပစ္စည်းတွေဘာတွေ သိမ်းပြီးတော့ ပြန်ထွက်လာပြီး
မိန်းဂျေးကြတော့ မိန်းဂျေးတာဝန်ကျ ထောင်မှူးကြီးက တာဝန်ရှိတဲ့ပုဂ္ဂိုလ်တွေ လာခေါ်
တာပါတဲ့၊ အိမ်ပြန်ပို့ဖို့ ဖြစ်ပါလိမ့်မယ်တဲ့။ နောက်တော့ ကျနော့်ကို ထောင်ဘူးဝ
ခေါ်သွားပြီး အက်စ်ဘီက တာဝန်ရှိတဲ့ပုဂ္ဂိုလ်များနဲ့ ထောင်က တာဝန်ရှိတဲ့ပုဂ္ဂိုလ်များက
သူတို့လိုအပ်တာတွေ အကုန်ပြင်ဆင် စစ်ဆေးပြီးတော့ ကျနော့်ကို အိမ်အထိလိုက်ပို့
လိုက်တာပါ။"

အန်ကယ့်ကိုဖမ်းတုန်းက အဓိက ဘာအမှုတွေနဲ့ ဖမ်းတာပါလဲ။

"တချို့ဟာတွေလည်း မမှတ်မိတော့ပါဘူး။ ကြာလည်းကြာသွားပြီ၊ ကျနော်လည်း
အသက်က နည်းနည်းရလာတော့။ အဓိကကတော့ ကျနော့်ရဲ့ နာဂစ်ကယ်ဆယ်ရေး
လုပ်ငန်းနဲ့ပတ်သက်လို့ ကျနော် ရှင်းပြခဲ့တယ်။ ကျနော့်ရဲ့ နိုင်ငံရေး ဆောင်ရွက်နေတဲ့
ကိစ္စတွေနဲ့ပတ်သက်လို့ ရှင်းပြခဲ့တယ်။ အဲဒီလောက်ပါပဲ။"

အန်ကယ် နေခဲ့ထိုင်ခဲ့ရတဲ့ အခြေအနေ၊ စားရေးသောက်ရေး၊ ကျန်းမာရေး ဘယ်လို
ရှိပါသလဲ။

"ထောင်ဆိုတော့ ထောင်လိုပေါ့ဗျာ။ ဒါပေမယ့် သက်သောင့်သက်သာ ရှိပါတယ်။ အရင်
၉၀ ပြည့်နှစ်တုန်းက အခြေအနေနဲ့တော့ အများကြီး ချောင်ချောင်ချိချိ၊ သက်သောင့်
သက်သာ ရှိလာတယ်လို့ ပြောနိုင်ပါတယ်။ ကျနော် ပထမတခါကျတုန်းက ၉၀ ပြည့်နှစ်
က ကျတာကိုး။ အဲဒီတုန်းကတော့ အခြေအနေက တော်တော် ကျပ်ကျပ်တည်းတည်းပါ။
အခုတော့ တော်တော်လေး သက်သောင့်သက်သာ ရှိပါတယ်။"

နာဂစ်မုန်တိုင်း ကယ်ဆယ်ရေးလုပ်ငန်းတွေလုပ်ရင်း အဖမ်းခံခဲ့ရတာဆိုတော့ အခုရော
နာဂစ်မုန်တိုင်း ပြန်လည်ထူထောင်ရေးလုပ်ငန်းတွေ အန်ကယ် လုပ်ဦးမှာလား၊ လုပ်ဖို့
ရည်ရွယ်ချက်တွေ ရှိပါသေးလား။

"ကျနော် မပြတ်သေးတဲ့လုပ်ငန်းတွေ ဆက်လုပ်မှာပါ။ ဒါပေမယ့် ကျနော် ရှိနေစဉ်
ကာလမှာ ကျန်ခဲ့တဲ့ပုဂ္ဂိုလ်တွေ ဘယ်လောက်ဆောင်ရွက်ထားပြီးပြီလဲဆိုတာ ကျနော်
ဘာမှမသိသေးပါဘူး။ ကျနော်လည်း ရုံးတောင်မရောက်သေးပါဘူး။ အဲတော့ အဲဒါ
တွေကိုပြန်ပြီး သူတို့နဲ့ညှိနှိုင်းပြီးတော့မှ သူတို့ ဘယ်လောက်ဆောင်ရွက်ပြီးစီးထားပြီလဲ၊
အဲဒါကြည့်ပြီးတော့ ဆက်လုပ်ကြဖို့ဖြစ်ပါတယ်။"

အန်ကယ် နိုင်ငံရေးလုပ်ငန်းတွေရော ဘာတွေဆက်ပြီးဆောင်ရွက်ဖို့ အစီအစဉ် ရှိပါ
သလဲခင်ဗျ။

"အဲဒါတော့ အဖွဲ့ချုပ်က ကျနော့်ကိုပေးတဲ့ တာဝန်တွေ ဆက်ပြီးဆောင်ရွက်ဖို့ပါပဲ။
ကျနော်တို့ မူလရည်ရွယ်ထားတဲ့အတိုင်း အဖွဲ့ချုပ်ရဲ့ လုပ်ငန်းတာဝန်တွေ၊ ရည်မှန်းချက်
တွေ အောင်မြင်တဲ့အထိ၊ ဆရာဦးဝင်းတင်တို့လည်း ပြန်လွတ်လာပြီဆိုတော့ အဖွဲ့ချုပ်
က ကျနော့်ကိုပေးမယ့်တာဝန်တွေကို ဆက်ပြီးဆောင်ရွက်ဖို့ပါပဲ။"

ကျန်တဲ့လူတွေရဲ့ အကျဉ်းထောင်ထဲက ကျန်းမာရေးအခြေအနေ၊ အနေအထားတွေနဲ့
ပတ်သက်လို့ရော အန်ကယ် ဘာများသိခဲ့ရပါလဲ၊ ထောင်ထဲမှာ။

"ပဲခူးမှာကတော့ နိုင်ငံရေးအကျဉ်းသားက သိပ်မရှိဘူးဗျ။ ပဲခူးထောင်ကလည်း
သေးသေးလေး၊ လေးငါးယောက်ပဲ ရှိပါတယ်။ သူတို့ကျန်းမာရေးအခြေအနေတွေ
မဆိုးပါဘူး၊ ကောင်းကြပါတယ်။ အင်းစိန်ရောက်တော့ ကျနော်တို့ ရဲဘော်ဟောင်းတွေ၊
ဦးနိုင်းနိုင်းတို့၊ ဦးစောနိုင်းနိုင်းတို့၊ ဦးအောင်သိန်းတို့၊ အဲဒီပုဂ္ဂိုလ်တွေနဲ့ တွေ့ပါတယ်။
သူတို့လည်း ကျန်းမာရေး ကောင်းကြပါတယ်။"

အခုလို မုန်တိုင်းကယ်ဆယ်ရေးလုပ်ငန်းတွေ လုပ်ကိုင်နေတဲ့အချိန်မှာ အဖမ်းခံခဲ့ရတာ
နဲ့ ပတ်သက်လို့ အန်ကယ့်သဘောထား၊ ဘယ်လိုမျိုး အန်ကယ် သုံးသပ်မိပါသလဲ။

"အဲဒါကတော့ ကျနော့်ဘက်ကပဲလား၊ တဖက်ဖက်ကပဲလားပေါ့ဗျာ၊ တချို့ တယောက်
တယောက် ရေရေလည်လည် ဂဃနဏ မသိတဲ့ကိစ္စလေးတွေကို ဆွေးနွေးတယ်လို့ပဲ
ထင်ပါတယ်။ ကျနော့်ဘက်ကလည်း တယောက်တယောက် နားလည်အောင် ရှင်းပြ
နိုင်ခဲ့တယ်လို့ ယုံကြည်ပါတယ်။

"ကျနော် ထောင်ကပြန်လွတ်လာတဲ့ နိုင်ငံရေးသမားတယောက်အနေနဲ့ ပြောရရင်
နိုင်ငံရေးသမားကတော့ ဒီသံသရာပါပဲ။ ထောင်ထဲရှိနေပြန်တော့လည်း အပြင်မှာ
ကိုယ့်လုပ်ဖော်ကိုင်ဘက်တွေ၊ ကိုယ့်နေရာကို အစားထိုးပြီး ကြိုးစားပမ်းစား လုပ်နေ
ကြရတာတွေ လွမ်းရတာပေါ့ဗျာ။ အခု ထောင်အပြင်ရောက်လာပြန်တော့လည်း
ထောင်ထဲမှာ အမျိုးမျိုး ကြံ့ကြံ့ခံပြီး ဆက်ရပ်တည်နေတဲ့ ကိုယ့်ရဲဘော်တွေကို ပြန်လွမ်း
ရတာပါပဲ။ အဲဒီသံသရာပါပဲ။"
အင်းစိန်အကျဉ်းထောင်က ဒီနေ့လွတ်မြောက်လာတဲ့ အန်န်အယ်လ်ဒီ မုန်တိုင်း
ကယ်ဆယ်ရေးကော်မတီ ဥက္ကဋ္ဌ ဦးအုန်းကြိုင် ပြောပြသွားတာ ဖြစ်ပါတယ်။
http://www.voanews.com/burmese/2008-12-11-voa5.cfm

မြန်မာ့အမျိုးသမီးအခွင့်အရေး လော်ရာဘုရ်ှ ဆွေးနွေး

နယူးယောက်ခ်တွင်ကျင်းပသည့် နိုင်ငံတကာလူ့အခွင့်အရေးနေ့ အခမ်းအနားတွင် မစ္စစ်ဘုရ်ှမိန့်ခွန်းပြောကြားနေစဉ်။
ဒီဇင်ဘာ ၁၀၊ ၂၀၀၈။

11 December 2008

မြန်မာနိုင်ငံမှာ နာဂစ်ဆိုင်ကလုန်းကြောင့်ပျက်စီးဆုံးရှုံးသွားတဲ့ လူမှုအသိုင်းအ၀ိုင်းတွေ၊ပြန်လည်ထူထောင်ရေး လုပ်ငန်းတွေအတွက်အမေရိကန်ပြည်ထောင်စုအနေနဲ့ နောက်ထပ်အမေရိကန်ဒေါ်လာ ၅ သန်း ကူညီသွားမယ်လို့
အမေရိကန်သမ္မတကတော် လော်ရာဘုရ်ှ(Laura Bush) က ပြောသွားပါတယ်။ မနေ့က
နယူးယောက်ခ်မြို့မှာကျင်းပတဲ့ နိုင်ငံတကာလူ့အခွင့်အရေးနေ့ အခမ်းအနားတခုမှာသမ္မတကတော်က မြန်မာနိုင်ငံအခြေအနေတွေကို ပြောဆိုရင်း အခုလို ထုတ်ပြန်ပြောခဲ့တာပါ။အပြည့်အစုံကို ကိုသားညွန့်ဦးက တင်ပြ
ပေးထားပါတယ်။

နယူးယောက်ခ်မြို့က အမေရိကန် နိုင်ငံခြားရေးမူဝါဒဆိုင်ရာ သုတေသနအဖွဲ့တခုဖြစ်တဲ့ နိုင်ငံခြားဆက်ဆံရေးကောင်စီရဲ့ နှစ် ၆၀ ပြည့်နိုင်ငံတကာ လူ့အခွင့်အရေးနေ့ အခမ်းအနားမှာ သမ္မတကတော် လော်ရာဘုရ်ှဟာမြန်မာနဲ့ အာဖဂန်နစ္စတန်နိုင်ငံ အခြေအနေတွေကို ဆွေးနွေးသွားရင်း အခုလို မြန်မာ
နိုင်ငံက နာဂစ်ဒုက္ခသည်တွေကို အကူအညီပေးသွားဦးမယ့် ကိစ္စကိုပါ ထည့်သွင်းပြောခဲ့
တာပါ။ တကယ်တမ်း ဆွေးနွေးပွဲမှာ အဓိကပြောခဲ့တာကတော့ အမျိုးသမီးအခွင့်အရေး
ကိစ္စတွေ များပါတယ်။ ဒါနဲ့ပတ်သက်လို့ သမ္မတအိမ်ဖြူတော် ပြောခွင့်ရသူ ဒေနာ ပရီးနိုး
(Dana Perino) က မနေ့ အိမ်ဖြူတော်သတင်းစာရှင်းလင်းပွဲမှာ အခုလိုပြောခဲ့ပါတယ်။

"နယူးယောက်ခ်မြို့ နိုင်ငံခြားဆက်ဆံရေးကောင်စီမှာ သမ္မတကတော် လော်ရာဘုရ်ှ
လူ့အခွင့်အရေးနေ့မိန့်ခွန်း ပြောဖို့ရှိပါတယ်။ အာဖဂန်နစ္စတန်နဲ့ မြန်မာနိုင်ငံက အမျိုး
သမီးတွေအနေနဲ့ သူတို့ရဲ့ အခြေခံအခွင့်အရေးတွေ ချိုးနှိမ်ခံရတာကို ရင်ဆိုင်ကျော်
လွှားဖို့ အမေရိကန်ပြည်ထောင်စုအနေနဲ့ ဘယ်လိုကူညီနိုင်ဖို့ ကြိုးစားနေတယ်ဆိုတာ
ကို ပြောဆိုဆွေးနွေးမှာပါ။"

မစ္စစ်ဘုရ်ှဟာ မြန်မာနိုင်ငံက လူ့အခွင့်အရေး လှုပ်ရှားသူတွေဖြစ်တဲ့ ရှမ်းတိုင်းရင်းသူ
ချန်တောင်း၊ မဆန်နှောင်း စသူတို့နဲ့ တွေ့ဆုံစဉ်မှာ မြန်မာတိုင်းရင်းသူ အမျိုးသမီးတွေ
အပေါ် မြန်မာစစ်တပ်က လိင်ပိုင်းဆိုင်ရာ စော်ကားတဲ့ကိစ္စ၊ ဒီလိုလုပ်တာကို စစ်သုံး
လက်နက်သဖွယ် အသုံးပြုနေတာတွေ၊ နောက်ပြီး တိုင်းရင်းသားဒေသတွေကို စစ်တပ်
က ထိုးစစ်ဆင်ပြီး လူ့အခွင့်အရေး ချိုးဖောက်တဲ့ကိစ္စတွေ သူသိခဲ့ရတယ်လို့ ပြောဆိုပါ
တယ်။ ထိုင်းနိုင်ငံ မဲဆောက်က မယ်တော်ဆေးခန်းကိုသွားတော့လည်း ဒေါက်တာ
စင်သီယာမောင်နဲ့ တွေ့ဆုံပြီး အဲဒီက ဒုက္ခသည်တွေရဲ့ အခြေအနေ၊ မြန်မာလူမျိုး
ရွှေ့ပြောင်းနေထိုင်သူတွေရဲ့ ကျန်းမာရေး၊ ပညာရေး အခက်အခဲတွေ သူ မျက်ဝါး
ထင်ထင် မြင်တွေ့ရပုံတွေကိုလည်း ရှင်းခဲ့ပါတယ်။

မြန်မာနယ်စပ်က အခြေအနေတွေတင်မဟုတ်ဘဲ မြန်မာနိုင်ငံတွင်းက အမျိုးသမီးတွေရဲ့
အခြေအနေတွေကို သူက မီးမောင်းထိုး ပြောခဲ့ပါတယ်။ မြန်မာနိုင်ငံတွင်းက လူ့အခွင့်
အရေးလှုပ်ရှားသူ မစုစုနွေးဟာ သူ့ကျေးရွာသားတွေ အတင်းအဓမ္မ လုပ်အားပေး
ခိုင်းစေခံရတဲ့ကိစ္စကို သူ ကိုယ်စားပြုပြီး အာဏာပိုင်တွေနဲ့ ရင်ဆိုင်ခဲ့တာကြောင့်
အာဏာပိုင်တွေဘက်က သူ့ကို အငြိုးထား ဖမ်းဆီးထောင်ချလိုက်တဲ့ ကိစ္စတွေကိုလည်း
ပြောပြပါတယ်။

၈၈ မျိုးဆက်ကျောင်းသူတဦးဖြစ်တဲ့ မနီလာသိန်းဟာ လူ့အခွင့်အရေးလှုပ်ရှားမှု၊ ဒီမို
ကရေစီလှုပ်ရှားမှုကြောင့် သူ့ကို အာဏာပိုင်တွေက ဖမ်းဆီးဖို့လုပ်တဲ့အခါမှာ လသား
အရွယ်ကလေးငယ်ကို ထားခဲ့ရပြီး တိမ်းရှောင်ခဲ့ရတယ်၊ ဒီ့နောက် ဖမ်းဆီးခံရပြီး
နှစ်ရှည်ထောင်ဒဏ် ချမှတ်ခံရတယ် ဆိုတာတွေကိုလည်း ပြောပြသွားပါတယ်။ မြန်မာ့
ဒီမိုကရေစီရေးခေါင်းဆောင် ဒေါ်အောင်ဆန်းစုကြည်ဟာလည်း သူမရဲ့ စံထားလောက်
တဲ့ စွမ်းဆောင်မှုတွေကြောင့် အမေရိကန် အပါအ၀င် နိုင်ငံတကာရဲ့ ထောက်ခံမှုကို
ရခဲ့တယ်လို့ ဆိုပါတယ်။

မစ္စစ်ဘုရ်ှဟာ အမျိုးသမီးအရေးကိစ္စတွေအပြင် မြန်မာနိုင်ငံက နိုင်ငံရေးအကျဉ်းသား
ကိစ္စတွေကိုလည်း အတော်လေး ပြောဆိုသွားပါတယ်။ ၂၀၀၇ ခုနှစ် ရွှေဝါရောင်
လှုပ်ရှားမှုနောက်ပိုင်းမှာ အရင် နိုင်ငံရေးအကျဉ်းသား ၁,၁၀၀ လောက်ပဲ ရှိရာကနေ
အခုဆိုရင် ၂,၁၀၀ ကျော်အထိ တိုးများလာတယ်လို့ ပြောပါတယ်။ အေအေပီပီ
နိုင်ငံရေးအကျဉ်းသားများ ကူညီစောင့်ရှောက်ရေးအသင်းရဲ့ ကိန်းဂဏန်းတွေကို
ကိုးကားပြီး ပြီးခဲ့တဲ့လအတွင်း တလထဲမှာကို နိုင်ငံရေးအကျဉ်းသား အနည်းဆုံး
၂၁၅ ဦးဟာ ထောင်ဒဏ် နှစ် ၆၀ ကျော်အထိ နှစ်ရှည်ထောင်ဒဏ်တွေ ချမှတ်ခံခဲ့ရ
တယ်လို့ ပြောပါတယ်။

မြန်မာပြည်သူတွေကို ကူညီနိုင်ဖို့ အမေရိကန်ပြည်ထောင်စုအနေနဲ့ ပြီးခဲ့တဲ့ဘဏ္ဍာရေး
နှစ်မှာ အမေရိကန်ဒေါ်လာ ၉၆ သန်း ကူညီခဲ့တယ်လို့ ပြောပါတယ်။ ဒီအထဲမှာတော့
အခုနှစ်ဆန်း မြန်မာနိုင်ငံ မြစ်ဝကျွန်းပေါ်ဒေသကို တိုက်ခိုက်ခဲ့တဲ့ နာဂစ်ဆိုင်ကလုန်း
မုန်တိုင်းသင့် ပြည်သူတွေအတွက် ဒေါ်လာ ၇၅ သန်း ကူညီခဲ့ပြီး အခု နောက်ထပ်
ဒေါ်လာ ၅ သန်း ကူညီဖို့ရှိတယ်လို့လည်း ကြေညာသွားပါတယ်။ ဒီအလှူငွေတွေကို
တော့ WFP ကမ္ဘာ့စားနပ်ရိက္ခာအစီအစဉ်နဲ့ SAVE THE CHILDREN အဖွဲ့တို့ကတဆင့်
မုန်တိုင်းသင့်ဒေသက ပြည်သူတွေအတွက် ရေသန့်၊ အမိုးအကာနဲ့ အခြေခံကျန်းမာ
ရေး၊ အခြားအရေးပါတဲ့ပစ္စည်းတွေ ကူညီမှာဖြစ်တယ်လို့ ပြောသွားခဲ့ပါတယ်။

ဒါ့အပြင် မြန်မာ့အရေးကို အမေရိကန်ပြည်ထောင်စုအနေနဲ့ အလေးပေးကိုင်တွယ်ဖို့
ဒေါက်တာ မိုက်ကယ်ဂရင်းကို မြန်မာနိုင်ငံဆိုင်ရာ အထူးကိုယ်စားလှယ်အဖြစ်ထားဖို့
သမ္မတကနေ အဆိုပြုထားပြီး ဒါကို လွှတ်တော်ကနေ ဖြစ်နိုင်သမျှ အမြန်ဆုံး အတည်
ပြုပေးပါလို့လည်း မစ္စစ်ဘုရ်ှက တိုက်တွန်းပြောသွားပါတယ်။
မနေ့က ဒီဆွေးနွေးပွဲတက်ရောက်သူ အများစုကတော့ အမေရိကန် နိုင်ငံခြားရေးမူဝါဒ
ပိုင်းဆိုင်ရာ ကျွမ်းကျင်သူတွေ၊ ပညာရှင်တွေနဲ့ သံတမန်တွေ တက်ရောက်ပြီး
မစ္စစ်ဘုရ်ှကိုလည်း အပြန်အလှန် မေးခွန်းထုတ်ခဲ့ကြပါတယ်။
http://www.voanews.com/burmese/2008-12-11-voa4.cfm

60th International Human Rights Day in Japan

ဂျပန်နိုင်ငံ တိုကျိုမြို့ တွင် နှစ် ၆၀ ပြည့် အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ် ချီတက် ပွဲ

photo by kopour
ဂျပန်နိုင်ငံတိုကျိုမြို့ ၌ မြန်မာ့ဒီမိုကရေစီအင်အားစုများက လူအခွင့်အရေး ချိုးဖောက်
ခံနေရသော မြန်မာနိုင်ငံသားများနှင့် ကမ္ဘာပေါ်ရှိလူ့ အခွင့် အရေးချိုးဖေါက်ခံနေရသူအားလုံးအတွက် နှစ် ၆၀ ပြည့်
အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ် ချီတက် ပွဲကိုယနေ့ နေလည် ၃း၃၀ နာရီတွင် တိုကျိုမြို့ ရှိဘူရ
ဘူတာအနီးရှိ မီယာရှိတ ပန်းခြံတွင် ကျင်းပခဲ့ပါသည်။ ထိုပန်းခြံမှစတင်၍ ရှိဘူရမြို့နယ်
လူစည်ကားရာရပ်ကွက်များ၊ UN ရုံးရှေ့ကို လှည့်လည်၍ ချီတက်ဆန္ဒပြခဲ့ကြရာ မြန်မာဒီမိုကရေစီအရေးလိုလားသူများ၊
အဖွဲ့စည်းအသီးသီးမှ လူပေါင်း၅၀၀ ကျော် ပူးပေါင်းပါဝင်ခဲ့ကြပါသည်။

မြန်မာအပါအ၀င် လူ့အခွင့်အရေးဆောင်ရွက်သူ ဘလောဂါများနဲ့ သမ္မတဘွတ်ရ်ှ တွေ့ဆုံ

10 December 2008
ဒီနေ့ ကျရောက်တဲ့ လူ့အခွင့်အရေးနေ့ အထိမ်းအမှတ် အဖြစ် သမ္မတ ဘွတ်ရ်ှဟာ အိမ်ဖြူတော်မှာ ဆူဒန်မှာ ပြဿနာ တက်နေတဲ့ ဒါဖော ဒေသက လှုပ်ရှား တက်ကြွသူ၊ မြန်မာ၊ တရုတ်၊ အီဂျစ် စတဲ့ နိုင်ငံများက ဘလောက်ဂါများနဲ့ တွေ့ဆုံ ပါလိမ့်မယ်။ ဒါဖော ဒေသမှာ ဘာတွေ ဖြစ်နေသလဲဆိုတာကို စာရေး ဆရာ ဆရာဝန် ဟာလီမတ် ဘရှေး ရဲ့ မျက်မြင် ကိုယ်တွေ့ တင်ပြချက်ကို သမ္မတ ဘွတ်ရ်ှက သူ့ရဲ့ ရုံးခန်းမှာ ဦးစွာ နားထောင်မှာ ဖြစ်တယ်လို့ အိမ်ဖြူတော် ပြောခွင့်ရ ပုဂ္ဂိုလ်က ဆိုပါတယ်။

ဟာလီမတ် ဘရှေး Tear of the desert သဲဂန္တာရထဲက မျက်ရည်များဆိုတဲ့ စာအုပ်နဲ့ ဒါဖော ဒေသက ရက်စက် ကြမ်းကြုတ် ပုံများ ကမ္ဘာက သိအောင်လို့ ရေးသား ထုတ်ဝေခဲ့သူ ဖြစ်ပါတယ်။ အဲဒီနောက် ကမ္ဘာ အရပ်ရပ်က ဘလောက်ဂါများနဲ့ ရုပ်မြင်သံကြား အစည်းအဝေး လုပ်ခဲ့ပြီးနောက် အိမ်ဖြူတော်မှာ ကိုယ်တိုင် တွေ့ဆုံကြမယ့် မြန်မာ၊ အီရန်၊ တရုတ်၊ ကျူးဘား၊ ဘလိုရက် နိုင်ငံတွေထဲက ဘလောက်ဂါတွေထဲမှာ ဆန်ဖရန်စ္စကို မြို့အခြေစိုက် မိုးမခ သတင်းဌာနမှာ မြန်မာ ဘလောက်ဂါ မောင်ရစ်လည်း ပါဝင်ပါတယ်။
http://www.voanews.com/burmese/2008-12-10-voa2.cfm

၆၀ကြိမ်မြောက် နိုင်ငံတကာလူ့ အခွင့်အရေးနေ့ ဂျပန်နိုင်ငံတွင် ဒီမိုကရေစီလိုလားသူ မြန်မာနိုင်ငံသားများမှ နအဖအား ဆန္ဒပြ။

၆၀ကြိမ်မြောက် နိုင်ငံတကာလူ့ အခွင့်အရေးနေ့ ဖြစ်သည့် ယနေ့ တွင် မြန်မာပြည်တွင် အကျဉ်းကျနေသော နိုင်ငံရေးအကျဉ်းသားများ အားလုံးအား နအဖမှ ချွင်းချက်မရှိ အမြန်ဆုံး လွှတ်ပေးရန် ဂျပန်နိုင်ငံ၊တိုကျို ရှိဘူရမြို့နယ်မှစတင်၍ ဟာရာဂျိကုမြို့နယ် အထိ ဒီမိုကရေစီလိုလားသူ မြန်မာနိုင်ငံသားများ၊အမျိုးသားဒီမိုကရေစီအဖွဲ့ချုပ်အဖွဲ့ဝင်များ၊ဂျပန်လူမျိုးများ အပါအ၀င် အယောက် (၅၀၀) ခန့်  မှ နအဖအား ဆန္ဒပြချီတက်ကြပါသည်။

မြန်မာ့အရေး ဆောင်ရွက်မှုအတွက် အမေရိကန် သမ္မတကတော် လော်ရာဘုရှ် ဆုရရှိ

09 December 2008
နေအိမ်မှာ အကျယ်ချုပ်ကျခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်း
စုကြည်ရဲ့ မြန်မာနိုင်ငံ ဒီမိုကရေစီရရှိရေးအတွက် ရုန်းကန်လှုပ်ရှားမှုမှာ ပါဝင်
ဆောင်ရွက်ပေးကြဖို့ အမေရိကန်သမ္မတကတော် လော်ရာဘုရှ် (Laura Bush) က
တိုက်တွန်းလိုက်ပါတယ်။ မြန်မာနိုင်ငံမှာ လူသားချင်းစာနာမှုဆိုင်ရာ ဒုက္ခတွေ လျော့ပါး
စေရေးအတွက် တစိုက်မတ်မတ် ဆောင်ရွက်ပေးခဲ့တဲ့ သမ္မတကတော်ကို မစ်ချီဂန်
အခြေစိုက် Christian Freedom International ကနေ လွတ်မြောက်ရေးအဖွဲ့ဆုတဆု
ချီးမြှင့်ခဲ့ပါတယ်။ ဒီဆုလက်ခံတဲ့ မိန့်ခွန်းမှာ သမ္မတကတော်က အခုလိုပြောသွားတာ
ဖြစ်ပါတယ်။ အကြောင်းစုံကို ဒေါ်လှလှသန်းက တင်ပြပေးထားပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ရေးသားခဲ့တဲ့ Freedom from
Fear ဆိုတဲ့ ကြောက်ရွံ့ခြင်းမှ လွတ်ကင်းခြင်းဆိုတဲ့စာအုပ်ကို ဖတ်ရှုပြီး ၁၉၉၁ ခု
နိုဘယ်လ်ငြိမ်းချမ်းရေးဆုရှင်ရဲ့ မြန်မာပြည်သူလူထု လွတ်မြောက်ရေးအတွက် ထားရှိတဲ့
စွန့်လွှတ်အနစ်နာခံမှုကို လေးစားခဲ့ပြီး မြန်မာနိုင်ငံမှာ လူ့အခွင့်အရေး ချိုးဖောက်မှုတွေ၊
နိုင်ငံရေးအကျဉ်းသားတွေ၊ ပြည်တွင်းမှာ အိုးအိမ်မဲ့ စွန့်ပစ်ထွက်ပြေးကြရသူတွေ၊
နယ်စပ်ကို ထွက်ပြေးခဲ့ကြရတဲ့ တိုင်းရင်းသား ဒုက္ခသည်တွေအရေးကို ကမ္ဘာက နိုးကြား
မှုရှိစေအောင် သမ္မတကတော် လော်ရာဘုရ်ှက တစိုက်မတ်မတ် စတင်ဆောင်ရွက်ပေး
ခဲ့တာ တွေ့ရပါတယ်။ ဒါကြောင့်လည်း သက္ကရာဇ် ၂၀၀၈ ခု Freedom Award ဆု
လက်ခံမိန့်ခွန်းမှာ သူက အခုလို တိုက်တွန်းပြောကြားသွားခဲ့ပါတယ်။

"မြန်မာတနိုင်ငံလုံးလွတ်လပ်ပြီး ဒီမိုကရေစီ အပြည့်အ၀ ခံစားနိုင်ကြဖို့ ဒေါ်အောင်ဆန်း
စုကြည်ရဲ့ ကြိုးပမ်းမှုကို ၀ိုင်းဖြည့်ဆည်းပေးကြပါ။ ကျမတို့ရဲ့လွတ်လပ်မှုကို အခြေပြုပြီး
အတူတကွ ဆောင်ရွက်ပေးကြပါစို့" လို့ အမေရိကန်သမ္မတကတော်က တိုက်တွန်း
သွားပါတယ်။

Freedom Award ချီးမြှင့်တဲ့ မစ်ချီဂန်အခြေစိုက် Christian Freedom International
(CFI) ခေါ် အမေရိကန်လွတ်လပ်မှု နိုင်ငံတကာအဖွဲ့အစည်းဟာ ၁၉၉၈ ခုကတည်းက
မြန်မာပြည်တွင်းမှာရော ထိုင်း-မြန်မာ နယ်စပ်မှာပါ ကရင်၊ ကရင်နီ ဒုက္ခသည်တွေ
အတွက် စားနပ်ရိက္ခာ၊ ဆေးဝါး၊ ခရစ်ယာန်ကျမ်းစာနဲ့ အခြား လူသားချင်းစာနာမှု
အထောက်အကူတွေကို လုပ်ဆောင်ပေးခဲ့တာပါ။ အခုလို CFI အဖွဲ့ရဲ့ ဆုချီးမြှင့်ခြင်း
ခံရတဲ့ မစ္စစ်ဘုရ်ှက မြန်မာဒုက္ခသည်တွေရဲ့ ကံကြမ္မာအကြောင်းကိုလည်း သူ့ရဲ့မိန့်ခွန်း
ထဲမှာ ထည့်သွင်းပြောကြားသွားပါတယ်။

"မြန်မာဒုက္ခသည်တွေ သောင်းနဲ့ချီပြီး မလွှဲမရှောင်သာ ဒုက္ခသည်စခန်းတွေမှာ ဆယ်စု
နှစ်ပေါင်းများစွာ နေထိုင်ကြရတာပါ။ နောက်ထပ် ထောင်ပေါင်းများစွာလည်း
တောတွေ၊ တောင်တွေမှာ စားနပ်ရိက္ခာ၊ ခိုကိုးစရာ၊ ဆေးဝါးတွေ အလုံအလောက်မရှိ
ဘဲ ရုန်းကန်နေထိုင်ကြရပါတယ်။ ဒီရက်စက်ကြမ်းကြုတ်မှုဒဏ်ရဲ့ တဖြည်းဖြည်းဆိုးရွား
လာတဲ့ အခြေအနေကို ကျမကိုယ်တိုင်လည်း ထိုင်း-မြန်မာနယ်စပ်ရှိ ဒုက္ခသည်စခန်းကို
သွားရောက်ကြည့်ရှုခဲ့လို့ တွေ့ရှိခဲ့ပါတယ်။" လို့ မစ္စစ်ဘုရ်ှက ပြောသွားပါတယ်။

သမ္မတကတော် လော်ရာဘုရှ် မယ်တော်ဆေးခန်းတွင် ဒေါက်တာစင်သီယာမောင်နှင့် တွေ့ဆုံနေစဉ်။
သမ္မတကတော်အနေနဲ့ ပြီးခဲ့တဲ့သြဂုတ်လက
ထိုင်းနိုင်ငံကို သမ္မတဘုရ်ှနဲ့ သွားရောက်စဉ်
တာ့ခ်ခရိုင် မဲဆောက်မြို့အနီး မယ်လဒုက္ခသည်
စခန်းနဲ့ ဒေါက်တာစင်သီယာမောင်ရဲ့ မယ်တော်
ဆေးခန်းကို သွားရောက်ကြည့်ရှုခဲ့တာ ဖြစ်ပါ
တယ်။ အဲဒီမှာ ခြင်ထောင်တွေအပါအ၀င်
အထောက်အကူ ပစ္စည်းတွေကိုလည်း လှူဒါန်းခဲ့
ပါတယ်။

ထိုင်းနိုင်ငံမှာ UNHCR က ဖွင့်လှစ်ထားတဲ့ ဒုက္ခ
သည်စခန်း ၉ ခုရှိရာမှာ တခုဖြစ်တဲ့ မယ်လကို
သွားရောက်ကြည့်ရှုခဲ့ပြီးနောက် မစ္စစ်ဘုရ်ှက
ဒုက္ခသည်များအရေး နိုင်ငံတကာက နိုးကြားမှု
ရရှိစေဖို့နဲ့ နိုင်ငံရေးအကျဉ်းသားများ ပြန်လွှတ်
ပေးဖို့ကိုလည်း မြန်မာစစ်အစိုးရကို သူ့ရဲ့မိန့်ခွန်းထဲမှာ တိုက်တွန်းလိုက်ပါတယ်။

"ဒီဒုက္ခသည်များအရေးကို ဖြေရှင်းဖို့ ကျမတို့ရဲ့ထောက်ပံ့မှုနဲ့ အာရုံစူးစိုက်မှုကို လိုအပ်ပါ
တယ်။ မြန်မာစစ်အစိုးရအနေနဲ့ ခုလို ကိုယ့်နိုင်ငံသားတွေအပေါ် အကြောက်တရားနဲ့
အုပ်ချုပ်နေတာ၊ တိုင်းရင်းသား လူမျိုးတွေအပေါ် နှိပ်ကွပ်နေတာတွေကို အဆုံးသတ်
ပေးဖို့အပြင် ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားအားလုံးကို
ပြန်လွှတ်ပေးဖို့ အမေရိကန်ပြည်ထောင်စု အပါအ၀င် နိုင်ငံတကာက တောင်းဆိုခဲ့ကြ
တာလည်း ဖြစ်ပါတယ်။" လို့ မစ္စစ်ဘုရ်ှက ပြောသွားတာဖြစ်ပါတယ်။

ဒါ့အပြင် မြန်မာနိုင်ငံအရေးနဲ့ ပတ်သက်လို့ Freedom Award ရဲ့ ထူးခြားမှုကိုလည်း
သမ္မတကတော်က…

"ဒီဆုကို လက်ခံရရှိခြင်းအားဖြင့် ကျမတို့ အတူတကွထားရှိတဲ့ ရည်မှန်းချက်ကို
ရောင်ပြန်ဟပ်စေပါတယ်။ အဲဒါကတော့ တချိန်က ကြွယ်ဝချမ်းသာခဲ့တဲ့ မြန်မာနိုင်ငံကြီး
မှာ ယနေ့ ဖိနှိပ်ခံနေရတဲ့၊ မျှော်လင့်ချက်ကင်းနေတဲ့ လူထုအတွက် ကျမတို့တွေအားလုံး
တညီတညွတ်တည်း ၀ိုင်းဝန်းလုပ်ဆောင်ကြရတဲ့ သန္နိဋ္ဌာန် ခိုင်မာမှုပါပဲ။" လို့ သမ္မတ
ကတော်က ပြောကြားသွားပါတယ်။
နောက်နှစ် ဇန်န၀ါရီလ သမ္မတဘုရ်ှရဲ့ ရာထူးသက်တမ်း ကုန်ဆုံးပြီးနောက်မှာလည်း
သူတို့ဇနီးမောင်နှံနှစ်ဦး ဇာတိ တက္ကဆက်ကိုပြန်တဲ့အခါ မစ္စစ်ဘုရ်ှအနေနဲ့ ပညာရေးနဲ့
အာဖဂန်အမျိုးသမီးအရေး စေတနာ့ဝန်ထမ်း လုပ်ငန်းများကို ဆက်လက်လုပ်ကိုင်
သွားမှာ ဖြစ်တဲ့အပြင် မြန်မာနိုင်ငံအရေးကိုလည်း တစိုက်မတ်မတ် ဆောင်ရွက်သွားမှာ
ဖြစ်တယ်လို့ မကြာသေးမီက သတင်းမီဒီယာတွေကို ပြောကြားသွားတာလည်း
ရှိပါတယ်။
http://www.voanews.com/burmese/2008-12-09-voa8.cfm

အပြည်ပြည်ဆိုင်ရာ လူ့အခွင့်အရေးနေ့

အပြည်ပြည်ဆိုင်ရာ လူ့အခွင့်အရေးနေ့ မှာ မြန်မာပြည်မှာ လူအခွင့်အရေးတွေ ရရှိဖို့ တိုက်ပွဲဝင်ကြ
Leaflet Human Right 10D 1

Publish at Scribd or explore others:

Bms

Publish at Scribd or explore others:

သီးလေးသီးအငြိမ့် အမေရိကန်ရောက်ပြီ

08 December 2008

ပြည်တွင်းပြည်ပက ပရိတ်သတ်တွေ အထူး နှစ်ခြိုက်အားပေးတဲ့ သီးလေးသီး အငြိမ့်အဖွဲ့ဟာ ပြီးခဲ့တဲ့ နာရီပိုင်းအတွင်းကပဲ အမေရိကန် ပြည်ထောင်စုက လော့အိမ်ဂျယ်လိစ်မြို့ကို ရောက်လာခဲ့ပါပြီ။ သီးလေးသီး အငြိမ့်အဖွဲ့ အမေရိကန် ပြည်ထောင်စုကို လာနိုင်ဖို့အတွက် တနှစ်နီးပါးအကြာ ဦးဆောင်ကြိုးပမ်းခဲ့သူ ဘားမားတူဒေးလို့ခေါ်တဲ့ ယနေ့မြန်မာ သတင်းဌာနက တာဝန်ခံ ဦးမြင့်လှိုင်ကို ဗွီအိုအေ မြန်မာပိုင်းက ဆက်သွယ်မေးမြန်းတဲ့အခါ ဦးမြင့်လှိုင်က အခုလို ပြောပါတယ်။

သီးလေးသီးရဲ့ အမေရိကန်ပွဲအတွက် ကျွန်တော်တို့ ဒီမှာ စီစဉ်ရတာဟာ ဒီမှာရှိတဲ့ ပြည်သူတွေအတွက် ကျွန်တော်တို့ တတ်နိုင်တဲ့ အကူအညီနဲ့ သူတို့အတွက် သီးလေးသီးအဖွဲ့ကို ဖျော်ဖြေစေချင်တယ်။ တစိတ်တပိုင်း ဖြည့်စီးပေးဖို့အတွက် ကျွန်တော်တို့ ကြိုးစားကြတာဖြစ်ပါတယ်။ အခုလို အခက်အခဲတွေ အများကြီးကနေ အောင်မြင်တဲ့အတွက် ကျွန်တော်တို့ ၀မ်းသာမိပါတယ်။

ဒီနေ့ရောက်လာတဲ့ သီးလေးသီးအဖွဲ့သားတွေရဲ့ အမည် စာရင်းလေးတွေလည်း ပြောပြပေးပါဦး။

ကိုစိန်သီး၊ ကိုပန်းသီး သီးလေးသီးအဖွဲ့ပါမယ်။ ကိုဂေါ်ဇီလာပါမယ်။ မင်းသမီး နှစ်လက် မချောစုမျိုးပါတယ်။ အားလုံးပေါင်း ၇ယောက်ပါဝင်ပါတယ်။

လောလောဆယ် ပွဲစဉ် ဘယ်နှပွဲ ကပြ ဖျော်ဖြေဖို့ စီစဉ်ထားပါသလဲ။

လောလောဆယ်မှာ လော့အိမ်ဂျယ်လိစ်၊ ၀ါရှင်တန်၊ နယူးယောက်၊ ဖို့ဝင်း၊ လေးမြို့မှာ ကပြဖို့က သေချာပါတယ်။ ဆန်ဖရန်စစ္စကို တို့ တခြားဒေသတွေမှာလည်း ဒီပွဲတွေ ပြုလုပ်ဖို့ ပြင်ဆင်နေတာရှိပါတယ်။

သူတို့ရဲ့ ဖျော်ဖြေပွဲတွေက အခကြေးငွေနဲ့ ဖျော်ဖြေမှာလား၊ အခမဲလား။ အခ ကြေးငွေနဲ့ ဆိုရင်ရော ဘယ်လို အစီအစဉ်တွေ ရှိပါသလဲ။

သူတို့ပွဲတွေက အခကြေးငွေနဲ့ ဖျော်ဖြေမှာဖြစ်ပါတယ်။ သဘောကတော့ သူတို့ ကုန်ကျစရိတ်တွေ ကာမိအောင်လို့ပါ။ နောက်တခုက ဒီပွဲကနေ ရတဲ့ အကျိုးအမြတ်တွေဟာလည်း ဒေသဆိုင်ရာ သာသနာရေးအဖွဲ့တွေအတွက် ရံပုံငွေ ဖြစ်မယ်။ မြန်မာပြည် လွတ်မြောက်ရေးအတွက် လှုပ်ရှားတဲ့သူတွေအတွက် ရံပုံငွေအတွက် ရည်ရွယ်တာပါ။ ပုဂ္ဂလိက တဦးတယောက်အတွက်ကို ရည်ရွယ်ပြီး လုပ်တာ မဟုတ်ပါဘူး။

သူတို့ ပွဲတွေအတွက် လိုအပ်တဲ့ ပစ္စည်းကိရိယာတွေ၊ တီးဝိုင်းတို့ တီးဝိုင်းအဖွဲ့သားတို့လည်းပဲ ဦးမြင့်လှိုင်တို့မှာ အဆင်သင့် ရှိပြီးသားပေါ့။

သီးလေးသီက သူတို့ကမယ့် စက်ပစ္စည်း အားလုံး သယ်လာပါတယ်။ ဒီမှာကျတော့ အတီးပညာရှင်တွေနဲ့ ပြောဆိုတာတွေရှိပါတယ်။ မြိုင်မြိုင်ဆိုင်ဆိုင်ဖြစ်အောင် စီစဉ်ထားတာပါ။
http://www.voanews.com/burmese/2008-12-08-voa1.cfm

Aung San Suu Kyi

First Lady Laura Bush receives award from Christian Freedom International

ဦးသန့် ရာပြည့်တံဆိပ်ခေါင်း ကုလသမဂ္ဂမှ ထုတ်ဝေမည်

မိုးမခအထောက်တော် ၀၀၅
ဒီဇင်ဘာ ၅၊ ၂၀၀၈
http://moemaka.com/index.php?option=com_content&task=view&id=2918&Itemid=1
လာမည့် ၂ဝဝ၉ ခုနှစ် ဇန်နဝါရီလ ၂၂ ရက်နေ့တွင် အသက် ၁ဝဝ ပြည့်မည့် မြန်မာနိုင်ငံသား ကမ္ဘာ့ကုလသမဂ္ဂ အတွင်းရေးမှူးချုပ်ဟောင်း ဦးသန့်၏ ရာပြည့်အထိမ်းအမှတ်အဖြစ် တံဆိပ်ခေါင်း ၃ မျိုး ကုလသမဂ္ဂက ထုတ်ဝေမည်ဟု သတင်း ထုတ်ပြန်ထားသည်။ ဦးသန့်၏ ရုပ်ပုံဖြင့် ထုတ်ဝေမည့် အမေရိကန် ဝ.၉၄ ဒေါ်လာ (၉၄ ပြား)တန်၊ ဆွစ်ဇာလန်ငွေကြေး ၁.၃ဝ ဆွစ်ဖရန့်စ်တန်၊ ဥရောပသမဂ္ဂ ငွေကြေး ၁.၁၅ ယူရို တန် တံဆိပ်ခေါင်းများကို ၂ဝဝ၉ ခုနှစ် ဖေဖော်ဝါရီလ ၆ ရက်နေ့တွင် ထုတ်ဝေမည်ဟု ကုလသမဂ္ဂ စာတိုက်ဌာန၏ အဆိုပါ ထုတ်ပြန်ချက်တွင် ဖော်ပြထားသည်။
ကမ္ဘာ့ကုလသမဂ္ဂအနေဖြင့် ကုလသမဂ္ဂ၏ တတိယမြောက် အတွင်းရေးမှူးချုပ်ဖြစ်သည့် ဦးသန့်၏ ရုပ်ပုံဖြင့် ထုတ်ဝေသည့် တံဆိပ်ခေါင်း ယခင်က ထုတ်ဝေခဲ့ဖူးခြင်း မရှိဘဲ အတွင်းရေးမှူးချုပ်များ၏ ရာပြည့်အထိမ်းအမှတ်အဖြစ် ထုတ်ဝေခြင်းမှာလည်း ပထမဆုံး ဖြစ်သည် ဟု နယူးယောက်မြို့ရှိ တံဆိပ်ခေါင်း စုဆောင်းသူ မြန်မာတစ်ဦးက ပြောပြခဲ့သည်။ ဦးသန့် မတိုင်မီ ရာပြည့်ပုဂ္ဂိုလ်များဖြစ်သည့် ကုလသမဂ္ဂ အတွင်းရေးမှူးချုပ်ဟောင်းများမှာ ပထမဆုံး အတွင်းရေးမှူးချုပ် နော်ဝေနိုင်ငံသား ထရိဗီလီး (၁၈၉၆-၁၉၆၈) နှင့် ဒုတိယ အတွင်းရေးမှူးချုပ် ဆွီဒင်နိုင်ငံသား ဒက်ဟမ်းမားရှိုးလ် (၁၉ဝ၅-၁၉၆၁) တို့ဖြစ်သည်။
ဦးသန့်ကို ဧရာဝတီတိုင်း ပန်းတနော်မြို့တွင် အဖ ဦးဖိုးနှစ်၊ အမိ ဒေါ်နန်းသောင် တို့က ၁၉ဝ၉ ခုနှစ်၌ ဖွားမြင်ခဲ့သည်။ ပန်းတနော် အမျိုးသားအထက်တန်းကျောင်း၊ ရန်ကုန်တက္ကသိုလ်တို့တွင် ပညာသင်ယူခဲ့ပြီး အထက်တန်းပြ ကျောင်းဆရာ၊ ထိုမှ ကျောင်းအုပ်ကြီးအဖြစ် တာဝန်ထမ်းဆောင်ခဲ့သည်။ ကျောင်းသုံးစာအုပ် ပုံနှိပ်ထုတ်ဝေရေးကော်မတီ၊ အမျိုးသားပညာရေးကောင်စီ၊ ဗမာ့သုတေသနအဖွဲ့တို့တွင် ပါဝင်ဆောင်ရွက်ခဲ့ပြီး စာသင်ကျောင်းများဦးစီးအဖွဲ့ အမှုဆောင်၊ ဂျပန်ခေတ် ပညာရေးပြန်လည်ထူထောင်ရေးအဖွဲ့ အတွင်းရေးမှူး၊ ဖဆပလအဖွဲ့၏ လူထုရေးရာတာဝန်ခံ စသဖြင့် တာဝန်များထမ်းဆောင်ခဲ့ပြီး ၁၉၆၁ ခုနှစ် နိုဝင်ဘာလ ၃ ရက်နေ့မှစ၍ ကုလသမဂ္ဂ အတွင်းရေးမှူးချုပ် ဖြစ်လာခဲ့သည်။
ဦးသန့်၏ ဇနီးမှာ ဒေါ်သိန်းတင်ဖြစ်ပြီး သားသမီး ၃ ဦး ထွန်းကားခဲ့သည်။ ဦးသန့်သည် ၁၉၇၄ ခုနှစ် နိုဝင်ဘာလ ၂၅ ရက် အသက် ၆၅ နှစ် တွင် ကင်ဆာရောဂါဖြင့် အမေရိကန်ပြည်ထောင်စု နယူးယောက်မြို့၌ ကွယ်လွန်ခဲ့သည်။ ၎င်း၏ ရုပ်ကလာပ်ကို မြန်မာပြည်သို့ ပြန်လည်သယ်ယူခဲ့သော်လည်း ထိုစဉ်က မဆလ အစိုးရ၏ ဂရုတစိုက် မရှိမှုကြောင့် ရန်ကုန်တက္ကသိုလ်ကျောင်းသားများ အုံကြွကာ ‘ဦးသန့် ဈာပနအရေးအခင်း’ ပေါ်ပေါက်ခဲ့သည်။
ဦးသန့်၏ ရာပြည့် အထူးအစဉ်ကို မိုးမခ က တင်ဆက်သွားမည်ဖြစ်ပါ၍ ဦးသန့်နှင့်ပတ်သက်ပြီး တင်ပြလိုသော အကြောင်းအရာများ ရှိပါက မိုးမခ သို့ ဆက်သွယ်ပေးပို့ပါရန် ဖိတ်ခေါ်အပ်ပါသည်။

ငြိမ်းချမ်းရေး ပိသုကာ ဆရာကြီးအဖြစ်ကား မြင့်မြတ်လေသည်။ လူအများ၏ ကောင်းကျိုးချမ်းသာမှုကို ရှေ့ရှုသည်။ ယနေ့ ဖြစ်ပျက်နေသော ပြည်တွင်းစစ်ကို ရပ်စဲစေချင်သော ဆန္ဒရှိသည်။ တဘက်နှင့်တဘက် အတိုက်အခိုက် ရပ်ကာ အမျိုးသား အချင်းချင်း စည်းလုံးစွာ ရှိကြဖို့ စေတနာမှာ ပြင်းပြသည်။ `ဆရာ့ သဘောကတော့ အားလုံး ညီညီညွတ်ညွတ်ဖြစ်တာသာ မြင်ချင်တာပါပဲကွာ။ တယောက်နဲ့ တ ယောက် သီးညီးခံပြီးစေ့စပ်ရင်တော့ အောင်မြင်မှာပဲလို့ ဆရာယုံကြည်နေတာပဲ´ဟု ဆရာကြီးသည် မနှစ် တနှစ်ကတည်းက ပြောနေခဲ့၏။ ဆရာကြီးစေတနာကို ကျွန်တော်တို့ အကြွင်းမဲ့လည်း ယုံကြည်လေးစားသည်။ ထို့ကြောင့်လည်း ၁၉၅၂ ခု၊ မေလကကျင်းပခဲ့သော နိုင်ငံလုံးဆိုင်ရာငြိမ်းချမ်းရေးညီလာခံကြီး၌ နိုင်ငံလုံးဆိုင်ရာကော်မတီကို ရွေးသော အခါ ဥက္ကဋ္ဌအဖြစ် ဆရာကြီးကို တင်မြှောက်ရန် မရရအောင် တိုက်တွန်းကြိုးပမ်းခဲ့ကြ၏။ အသက်အရွယ်ကြီးပြီ၊ ဘာပြီစသည်ဖြင့် တချို့ကစဉ်းစားကြရာ၌ `ဒီနေရာဟာ ဆရာကြီးနဲ့ အသင့်လျော် ဆုံးပဲ။ ဘယ်ပါတီ သံယောဇဉ်မှလည်းမရှိ။ တပြည်လုံးက ကြည်ညိုတဲ့ပုဂ္ဂိုလ်၊ စေတနာကလည်း အင်မတန် မှဖြူစင်တယ်´ဟု ဆရာကြီးကိုပင် အားလုံး၏သဘောတူချက်ဖြင့် ဥက္ကဋ္ဌအဖြစ် တင်မြှောက်ခဲ့ကြလေသည်။ ယနေ့ပြည်တွင်းစစ်ကြီး၌ တဘက်နှင့်တဘက် တိုက်ခိုက်နေသူများမှာ ဒို့ဗမာအစည်းအရုံး၊ ကျောင်းသား သမဂ္ဂများ၌ အတူလုပ်လာခဲ့ကြသော ရဲဘော်ရဲဘက်များဖြစ်၍ ဆရာကြီး၏ တပည့်တပန်းများ ဖြစ်ကြ သည်။ ဤတပည့်များ ညီညွတ်စည်းလုံးစွာ ရှိစေချင်သောစေတနာနှင့် တပြည်လုံးလူအများ အေးချမ်းစွာ ဖြစ်စေ ချင်သော အာသီသတို့ ဖြင့်ထားရှိသော ငြိမ်းချမ်းရေး သဘောထားမှာ ဆရာကြီး၏ ပြည်တွင်းညီညွတ်ရေး ယုံကြည်ချက်ပင် ဖြစ်သည်။ `ချိုးတို့၊ ခါတို့၊ ဇရက်တို့ဆိုတဲ့ ကျေးငှက် ကလေးများတောင် သူ့အသိုက်နဲ့သူ အေးချမ်းစွာနေချင်ကြတယ်။ အခြားတိရိစ္ဆာန်များက ကျူးကျော်တာကို မခံချင်ကြဘူး။ လူသားတွေမှာ ဘယ်မှာပြောစရာ ရှိပါ့မလဲ။ နယ်ချဲ့ခြင်းကို ဆရာတို့က မကြိုက်ဘူး´ဟု ပီကင်းမြို့ အပြည်ပြည်မှ ပြည်သူ့ကိုယ်စားလှယ်များ၏ ထမင်း စားပွဲ၌ ပြောကြားသောအခါ ကျွန်တော်တို့စားပွဲရှိ ဟန်ဂေရီမှစာရေးဆရာများမှာ ဆရာကြီး၏ ကမ္ဘာ့ ငြိမ်းချမ်းရေး စကားရပ်များကို နှစ်သက်အားရခြင်း ဖြစ်ရသည်။ ကျွန်တော်နှင့် အေးအေးဆေးဆေး ကြုံတိုင်း `ဟေ့ တာရာရ … အာဏာ လက်ရှိသူတွေရော၊ တောထဲက လူတွေရောဟာ ဆရာ့တပည့်တွေပဲကွ။ သန်းထွန်းဆိုတာ အင်မတန် အလုပ်လုပ်တဲ့အကောင်။ သခင်နုဆို တာလဲ ပုတီးနဲ့နေတာပဲ။ အားလုံး တလုံးတစည်းထဲရှိရင် တို့ပြည်ဟာ သိပ်ကောင်းမှာပဲ´ ဟုပြောလေ့ရှိ သည်။ အာရှငြိမ်းချမ်းရေး ညီလာခံကိစ္စနှင့် ပီကင်းရောက်သည့်အခါ သံအမတ်ဦးလှမောင်ကိုသာ တမေးထဲမေးနေ သည်။ `လှမောင်ဟာ ဆရာ့တပည့်ပဲကွ´ ဟု တက္ကသိုလ်သမဂ္ဂဥက္ကဋ္ဌဖြစ်ခဲ့သူ ကိုလှမောင်အား ခင်မင်ရင်းစွဲ ရှိလေသည်။ `ငြိမ်းချမ်းရေးဆိုတာ လူတိုင်းကြိုက်ရမယ်ကွ။ အားလုံးပါဝင်နိုင်ရမယ်´ ပြောလေသည်။ ဆရာကြီး၏ ကျယ် ပြန့်စွာထားရှိသည့် ငြိမ်းချမ်းရေး သဘောထားမှာ မှန်ကန်လှပေသည်။ ဆရာကြီးနှင့် ကျွန်တော်တို့မှာ တသဘောတည်း ဖြစ်ကြသည်။ အစည်းအဝေး သဘာပတိလုပ်စရာ၊ တရားဟောစရာ စသော အသင်းအဖွဲ့ရေးရာနှင့်ပါတ်သက်၍ ငြင်းဆန် သည်မရှိ။ သွားခေါ်လျင် ခေါင်းပေါင်းကလေး အသာရစ်ကာ လိုက်ပါလာ၏။ အများအကျိုးဟုဆိုလျင် ပင် ပန်းသည်မရှိ။ ဘယ်တော့မှ မညည်းညူ။ အာရှနှင့်ပစိဖိတ် ငြိမ်းချမ်းရေးညီလာခံကြီးအတွက် ဒုတိယအကြိမ်ပီကင်းသို့ သွားရမည်ရှိသောအခါ ရှော ရှောရှူရှူပင် ထလိုက်လာခဲ့၏။ နမော်နမဲ့ နေသည်မဟုတ်။ အခြေအနေကို အမြဲတမ်း လေ့လာအကဲခတ်လေ့ရှိသည်။ ဆရာကြီး မသိဟူ၍ ထင်ထား၍မဖြစ်။ ပါးလည်းပါး၍ သိတတ်မြင်တတ်သည်။ မကြာခဏ ကျွန်တော့်ကိုခေါ်ကာ မေးမြန်းတိုင် ပင်လေ့ရှိသည်။ `ဆရာ့စေတနာက အားလုံးကောင်းဖို့၊ အေးချမ်းဖို့လုပ်နေတာ။ ကမ္ဘာကြီး ငြိမ်းချမ်းစေချင်တဲ့ ဆန္ဒအမြဲရှိ တယ်။ တပါတီ၊ တဖွဲ့ကောင်းစားဖို့၊ ဘယ်သူတွေဝန်ကြီးဖြစ်ဖို့ လုပ်နေတာမဟုတ်ဘူး တာရာရ´ဟု ကွမ်းဝါး ရင်း ပိုးခန်းဆီးပါးကလေးအကြား မြင်ရသောနောက်တွင် တရိပ်ရိပ် ဖြတ်သန်းကျန်ရစ်ခဲ့သည့် တရုတ်ပြည် ဂန္ဓာရတောရွာ ကျေးလက်များကို ငေးကာပြောတတ်လေသည်။ ဆရာကြီးသည် မည်သူ၏ သြဇာမှမခံဘဲ ကင်းကင်းရှင်းရှင်း၊ ရိုးရိုးသန့်သန့်ဆောင်ရွက်သော နိုင်ငံရေးကို လုပ်သည်။ ကျွန်တော့်ကိုလည်း `ဟေ့ ...တာရာ ကျွန်ဝယ်ရာ အဆစ်မပါစေနဲ့ ´ဟု သတိပေးလေ့ရှိ၏။ ဆရာကြီးမှာ ဘယ်အဖွဲ့စည်းမှာဖြစ်ဖြစ် ရိုးသားစွာ လုပ်ကိုင်ဆောင်ရွက်ခြင်းကို အမြဲလိုလားသည်။ ဆရာကြီးသည် ဤ ဖြူစင်သန့်ရှင်းသော စေတနာကြောင့်ပင် အေးသည့်ရာသီတွင် တိုင်းတပါးရပ်ခြားသို့ သွားခြင်း၊ အစည်းအဝေး များ၊ တရားပွဲများသို့ စိတ်အားထက်သန်စွာ တက်ခြင်းဖြစ်ပေ၏။ ဆရာကြီး၏ အမူအယာမှာ အိုမင်းရင့်ရော်ခြင်း၊ နွမ်းနယ်ခြင်းတို့ မရှိဘဲ လန်းလန်းရွှင်ရွှင်၊ ဖျတ်လတ်မြန် ဆန်နေသည်မှာ သူ၏ ပြင်းပြသော စိတ်မာန်ကြောင့် ဖြစ်ပေသည်။

သည့်နောက်၌ကား ဆရာကြီးနှင့် တော်တော်ကြာ မဆုံတွေ့ဘဲ နေခဲ့ကြသည်။ အမှန်အားဖြင့် ဆရာကြီးမှာ ကျွန်တော့ကို ဖြတ်ကနဲ ဖြတ်ကနဲုသာတွေ့လိုက်ရ၍ မှတ်မှတ်ရရ ရှိချင်မှလည်းရှိပေမည်။ နိုင်ငံရေးသမား များနှင့်သာ အတူတွေ့သည်ဖြစ်၍ နိုင်ငံရေး နယ်ပယ်ထဲကဟုသာ သာမန်မှတ်ထင်မည်ဖြစ်၏။ စာအ ကြောင်း ပေအကြောင်းလည်း တခါမျှ မယ်မယ်ရရ မဆွေးနွေးဖူးဖြစ်။ ၁၉၅၀ ခုက၊ ကျွန်တော် စာရေးဆရာအသင်း ဥက္ကဋ္ဌဖြစ်စဉ်က စာဆိုတော်နေ့ လူထုအစည်းအဝေး၌ ဆရာ ကြီးနှင့် စကားပြောလိုက်ရပြီး နောက် တရုတ်ပြည်သွားကြတော့မှ လက်ပွန်းတတီးနေခွင့်ရကာ ခင်မင် ရင်းနှီးလာလေ၏။ ထိုအခါကား သခင်ကိုယ်တော်မှိုင်းမှာ ငြိမ်းချမ်းရေးပိသုကာဆရာကြီး ဖြစ်နေပေပြီ။ လေးကန်ဖင့်နွဲခြင်း မရှိ။ လူငယ်များထက်ပင် ဖျတ်လတ်တက်ကြွနေသည်ကို အံ့သြစွာတွေ့ရ၏။ တရုတ် ပြည်တွင် လည်စရာကြည့်စရာ အစီအစဉ်များရှိရာ ဘယ်အစီအစဉ်မှ မလိုက်ဟူ၍ ချန်နေရစ်သည်မရှိ။ `ဆရာကြီး ပန်းနေမယ်။ နေချင် နေရစ်ခဲ့ပါလား´ ဟု အလိုက်တသိ ပြောသည့်အခါ လက်ကာလိုက်ကာ `လိုက် တာပေါ့။ ကိစ္စမရှိပါဘူး။ ဆရာလိုက်နိုင်ပါတယ်´ ဟုပြောကာ ပန်းရောင်ပ၀ါကို အသာခွေပတ်လိုက် သည်။ ဟန်ချောင်၌ ဥယျာဉ်ကြီးတခုသို့ သွားလည်ရာ တောင်ပေါ်သို့တက်သည့်နေရာ တနေရာရှိ၏။ တချို့ မိန်းမ ကိုယ်စားလှယ်တော်များမှာ တောင်အောက်ရှိ သစ်ပင်အောက်၌ အပန်းဖြေရင်း နေရစ်ခဲ့ကြ၏။ ဆရာကြီးမှာ မမောမပန်း တက်လိုက်သွား၍ တရုတ်ရဲဘော်များမှာ အံ့သြနေကြရသည်။ `လိုက်တာပေါ့ကွ´ဟု အစီအစဉ်တိုင်းကို လွယ်လွယ်ကူကူပင် လက်ခံသည်။ ကျွန်တော်တို့မှာ အသက် (၇၆) နှစ် အရွယ်နှင့် သည်လောက် ဖျတ်လတ်ပျိုလွင် နေခြင်းရှိသည်ကို အံ့သြနေကြရသည်။ ခရီးလမ်း တလျှောက်လုံးလည်း ဆရာကြီးကြောင့် စိုပြေနေခဲ့သည်။ ကောလုံမှ ဟောင်ကောင်ဘက်သို့အကူး ကူးတို့ဆိပ်တွင် ကူးတို့ကြေးထုတ်ပေးသည်ကို မြင်ရသောအခါ `ဂိတ်ကြေးလားကွ´ ဟု ဆရာကြီးကပြော၍ ကျွန်တော်တို့မှာ မရယ်ဘဲမနေနိုင်ကြ။ မော်စီတုန်း၏ ဧည့်ခံပွဲ တွင်လည်း လက်၌ပတ်ထားသော ပုတီးကိုကဗျာကရာဖြုတ်ကာ အိတ်ထဲထည့်ပြီး `သခင်နုနဲ့ မှားနေပါအုံး မယ်ကွာ´ ဟု ပြောရာ ကျနော်တို့မှာ ရယ်မောနေရပေ၏။ ဆရာကြီးသည် ကွမ်းနှင့်လဘက်ကိုကား ကြိုက်သည်။ တရုတ်ပြည်သွားသောအခါ ကွမ်းရွက်များ ယူသွား သည်။ တရုတ်သံရုံးမှ ဂရုတစိုက် ထည့်ပေးလိုက်သည်။ သို့သော် (၁၀) ရက်ခန့်အကြာ ပီကင်းကအထွက် ထိအောင်ကားမခံတော့။ နွမ်းခြောက်ကုန်ပေပြီ။ ဆရာကြီးမှာ ညည်းညူသည်မရှိဘဲ ကွမ်းသီးကိုဝါး၍နေ၏။ စကားပြောလျှင် ကွမ်းစားမပျက် ပြောလေ့ရှိ၏။ အစားအသောက်၌ ဇီစာမကြောင်။ အအေးကို မခံနိုင်မရှိ။ မြောက်ပိုင်း မုကဒင်ဘက်သို့ ရောက်ရာ အတော် အေးနေ၍ `ဆရာကြီး အေးသလား´ ဟုမေးလျှင် `မအေးပါဘူး´ ဟု ဖြေလေ့ရှိ၏။ သခင်ဘဦးက ဆရာကြီးအတွက်စိုးရိမ်၍ အခန်းပြင်သို့မထွက်ဘဲနေစေရာ သခင်ဘဦးကွယ်ရာတွင် `သခင် ဘဦးလုပ်တာနဲ့ ဆရာ့မလဲ လူမမာကြီးကျနေတာဘဲ ဆရာဘာမှ မဖြစ်ပါဘူး´ ဟု ကျွန်တော်တို့အားပြော၏။ တကယ်လည်း ဆရာကြီးမှာ ဘာမှမဖြစ်။ စိတ်ဓာတ်ကလည်း ထက်သန်လှ၏။ ပီကင်းတွင် ရောက်ရှိနေသော ဗမာကိုယ်စားလှယ်တော်များထဲတွင် ဆရာကြီး မှာအသက်အကြီးဆုံးဖြစ်၍ အားလုံးက ဆရာကြီးကို ကိုင်းရှိုင်းလေးစားကြသည်။ အံ့လည်း အံ့သြကြသည်။ လူကြီးချင်းဖြစ်သော ဘူလ် ဂေးရီးယားမှ အသက် (၆၀) ခန့် ဆံပင်ဖြူဖြူနှင့် ကဗျာဆရာကြီးနှင့်ကား အလွမ်းသင့်နေ၏။ နှစ်ယောက် သားတွေ့လျှင် ဖက်လဲတကင်း နေကြ၏။ ဆရာကြီးမှာ အသက်အရွယ် ကြီးပြီဆို၍ ထူထူထဲထဲ မဟုတ်။ စူးရှ၏။ သိမြင်တတ်၏။ အင်မတန်လည်း ပါးသည်။ တခါက ကျွန်တော့်အား နိုင်ငံရေးသမား ပုဂ္ဂိုလ်နှစ်ဦးနှင့် ပတ်သက်၍ `ဟေ့ တာရာ၊ သူတို့က ဆရာ့ကို အာဏာရရင်ပေါ့လေ၊ သမတမြှောက်ရမယ် ဘာမယ်နဲ့ လာပြောတယ်ကွ။ ဆရာ့ကို အထင်သေးတာ။ ဆရာက ဘာလာဘ်လာဘ၊ ဘာရာထူး ဋ္ဌာနန္တရမှမျှော်ကိုးပြီး ခုလိုနိုင်ငံရေး လုပ်နေတာမဟုတ်ဘူး။ ဒို့ဗမာပြည်ကြီး ကောင်းစားတာ မြင်ချင်တဲ့ စေတနာနဲ့ သွားလာလုပ်ကိုင်နေတာ။ ရာထူးနဲ့မျှားလို့ ရတယ်များ အောင်းမေ့နေသလားမသိဘူး´ ဟု ကွမ်းဝါးရင်းက ရယ်ကာပြောနေ၏။ ကျွန် တော်က `ဆရာကြီးကိုကြည်ညိုတဲ့ စေတနာနဲ့လည်း ပြောတာပါဆရာကြီးရယ်´ ဟု ပြန်ပြောသောအခါ `ဆရာက ဒီလောက် မအပါဘူး။ လူထုက တင်မြှောက်မှ ရတာ´ဟု ပြောနေ၏။ အမှန်အားဖြင့် ဆရာကြီးမှာ နိုင်ငံချစ်စိတ်သက်သက်နှင့် ရိုးသားဖြူစင်စွာ သွားလာလုပ်ကိုင်နေခြင်း ဖြစ်၏။ ထို့ကြောင့်လည်း တတိုင်းပြည်လုံးက ကြည်ညို ချစ်ခင်ကြပေသည်။